Европа Футбол уюшмаси "Кўҳна
қитъа” чемпионати тарихида биринчи марта ўз гуруҳида учинчи ўринни олган терма
жамоага ҳам мукофот пули беришга қарор қилди.
Гуруҳларнинг учинчи ўрин соҳибларига бир миллион евродан бонус беришга
келишиб олинди. Бу орқали гуруҳлардаги кураш охиргача шиддатли ўтишини таъминлаш
мақсад қилинган.
Умуман олганда, Евро-2012 нинг мукофот жамғармаси 196 млн. еврони
ташкил этади. Тўрт йил олдин ўтказилган мусобақада эса 184 млн. евро жамоаларга
бўлиб берилганди.
Турнирдаги барча учрашувда ғалаба қозонган жамоа 23,5 млн евро миқдорида
мукофот пули олиши мумкин.
Европа чемпионатининг 16 иштирокчиларига саккиз миллион евро тўланади.
Гуруҳдаги ҳар бир ғалаба учун 1 млн. евро берилади.
|