"Барселона”нинг аргентиналик ҳужумчиси Леонель Месси янги рекорд соҳибига айланди. Бугунги кунга қадар голландиялик собиқ футболчи Филлип Коку "Барса” сафида энг кўп ўйин ўтказган хорижлик ўйинчи сифатида эътироф этиларди. Коку каталониялик сафида 292 марта майдонга тушганди.  "Леванте”га қарши кечган баҳсда Лео унга тенглашиб олди. "Эль Класико”да дан кейин эса Месси янги рекорд натижа қайд этди.

Mundo Deportivo нашри мухбири яқинда ПСВ ва Голландия терма жамоаларида ёрдамчи мураббий бўлиб ишлаётган Филлип Кокудан интервью олишди.

-  «Барселона»даги хорижлик футболчилар ичида энг кўп майдонга тушаган футболси сиз эканлигингизни билармидингиз?

- "Барса”даги фаолиятимни якунлаган пайтимда бу ҳақида билмасдим. Бир икки ой олдин кимдир менга, рекордим тўғрисида айтди. Энди матбуотда ўша натижа хусусида яна бонг уради. Негаки, Месси менинг кўрсаткичимни янгилади.

- Энди рекорд натижа сизга тегишли бўлмайди. Бундан хафа бўлдингизми?

- Асло. Бунинг ҳеч қандай қўрқинчли жойи йўқ.  "Барселона”дек буюк клуб тарихида узоқ вақт бу кўрсаткични қайд этганимдан хурсандман.  Бошқа томондан Мессининг рекордни янгилагани кўнглимни кутарди. Месси бунга ҳақли равишда эришди. Леони айни дамда жаҳоннинг энг кучли футболчиси деб тан оламан.

- Гвардиола жамоасининг бу мавсумдаги натижаларига қандай баҳо берасиз?

- "Барселона” ҳар доим бир маромда тўп суради. Айни дамда Гвардиола жамоасининг ўйинидан барча ҳайратда. Лекин охирги пайтларда бироз омад етишмаяпти. Йилдан-йилга рақиблар "Барса” танлаган тактикани ўрганиб бормоқда. Натижада айрим баҳсларда уларга қийин бўляпти.  Умид қиламанки, мавсум якунида ҳам барчамиз "Барса”ни ўлкан ғалабалар билан табриклаймиз.

- Бунга "Реал” рози бўлармикан. "Қироллик клуби” ҳақида фикрингиз қандай?

- Бу йилги мавсумда "Реал” тамоман ўзгарди. Уларда ҳозир жамоавий ўйин кўпроқ кўзга ташланмоқда. Бундан ташқари, мадридликлар совринга ташна. Криштану Роналду "Реал”нинг "юргаи” саналади, десам муболаға бўлмайди.

- Бир пайтлар сиз билан бирга "Барселона”да тўп сурган Франк де Бур ("Аякс” бош мураббийи)нинг айтишича, у шогирдлари учун  Гвардиола жамоасининг ўйинларидан олинган видеодан фойдаланаётган экан. Сиз ҳам ПСВда шундай қиласизми?

- Ростини айтаман, бундан фойдаланаман. Фақат индивидуал тарзда. Голландияда ёш футболчилар турли видеороликлар орқали тажриба тўплашади. Шуниг учун ўзлари мураббийлардан буни илтимос қилишади. Тан олиш керак, "Барса”нинг намойиш этаётган ўйини ёш ўйинчилар учун тайёр дарслик. Уни диққат билан кўзатилса, кўп нарсани ўрганиш мумкин.

- Қачон сизни бош мураббий ролида кўрамиз?

- Ҳозир бу ҳақида гапиришга анча эрта. Мен терма жамоа билан Европа чемпионатига бормоқчиман. Қолаверса, ПСВ билан ҳам бир икки йил ишлайман. Қолганини вақтнинг ўзи кўрсатади.

- Ёзда "Барса” раҳбарлари сизга унинг филиалларидан бирини бошқариш таклифини юборгани ростими?

- Бу маълумотлар асоссиз. Мен жамоа билан ҳеч қандай музокалар олиб борганим йўқ. Менинг агентим фақат голландия клублари билан алоқани мустаҳкамлаш кераклигини яхши тушунади.  Мақсадим умуман бошқача, олдин ўзимни Голландия чемпионатида синаб кўрмоқиман.

- Бу йилги мавсумда чемпион бўла оласизларми?

- Киши ўз олдига юқори мақсадларни қўймас экан. Ҳеч нарсага эриша олмайди. Мен ҳам жамоамга ишонаман. Унутмаслик лозимки, ҳаммаси ўзимизга боғлиқ. Айни дамда жамоамиз таркибида ёш футболчилар бир талай. Шундай бўлса-да, ишларимиз ёмон кетаётгани йўқ.

- Асосий рақиблардан бири – "АЗ Алкмаар”. Фикримга қўшиласизми?

- Сиз ҳақсиз. Аввалига ҳамма ушбу жамоа узоқ вақт давомида ҳам чемпионат, ҳам еврокубокларда барқарор ўйин намойиш этади, деб ўйлаганди. Лекин амалда бундай бўлиб чиқмади. Умуман олганда, Голландияда охирги йилларда чемпионат савияси анча ошди. Мана уч йилдирки, "Аякс” ва ПСВ олтин медални қўлга кирита олмаяпти. "АЗ Алкмаар” ва "Твенте” кучлилар сафига кўшилмоқда.

- Сўнгги савол: Евро-2012 қуръаси ҳақида фикрингизни билмоқчи эдик.

-  Қуръанинг кўзи кўр бўлади деган гап на бир бор ўз тасдиғини топди. Терма жамоамиз "ўлим гуруҳи”дан жой олди.  Германия ва Португалия ҳақида ортиқча таърифнинг жоҳати бўлмаса керак. Дания ҳам савға эмас. Лекин бошқа томондан чорак финалга чиқсак, бизга анча осон бўлиши мумкин. Европа чемпионатида омадли иштирок этишимизга ишончим комил.

Футгол маълумотномаси:

Тўлиқ исми: Филлип Жон Уильям Коку

Туғилган сана: 1970 йил. 29 октябрь

Бўйи - 182 см

Оғирлиги - 74 кг

Ўнаган жамолари:

1988 - 1990  АЗ Алкмаар            50 (7)

1990 - 1995  Витесс          137 (25)

1995 - 1998  ПСВ  95 (31)

1998 - 2004  Барселона   205 (31)

2004 - 2007  ПСВ  94 (23)

2007 - 2008  Аль-Джазира          17 (4)

1988 - 2008  Итого 598 (121)

Мураббйиларик фаолияти

2008 -...         Голландия терма жамоаси ёрдамчи мураббийи

2009 -...         ПСВ  ёрдамчи мураббийи

Голландия терма жамоасида 101 учрашувда майдонга тушиб, рақиблар дарвозасига 10 та тўп киритган.

Аброр Деҳқонов тайёрлади