Бир йиллик танаффусдан сўнг яна Олий лигага қайтган «Локомотив» клуби аъзолари 30 декабрда мавсумолди тайёргарлик жараёнининг биринчи босқичини якунлаб, қисқа муддатли таътилга чиқишади. Янги йил байрами муносабати билан бериладиган танаффус арафасида темирйўлчилар жамоаси мамлакатнинг амалдаги чемпиони «Бунёдкор»га қарши иккита назорат-синов учрашувида куч синашди. Даставвал иккала жамоа мураббийлари асосий таркиб футболчиларини майдонга туширишди. Гарчи, «қалдирғочлар»нинг таркиби сезиларли даражада кучли экани яққол кўриниб турган бўлса-да, «Локомотив» футболчилари номдор рақиби билан тенгма-тенг кураш олиб боришди. Аммо, биргина хато туфайли темирйўлчилар ўз дарвозасидан тўп ўтказиб юборишди. Яъни, ҳимоячи ва дарвозабон ўртасидаги англашилмовчилик натижасида «Локо» дарвозаси томон белгиланган 11 метрлик жарима зарбасини тажрибали Солиев аниқ бажарди. Ушбу ҳисоб ўйин охиригача ўзгармай қолди.
«Локомотив»: П.Бугало, Ш.Шарипов, Б.Йўлдошев (А.Тўхтабоев), В.Почуев, Р.Аъзамов, Э.Жаҳонов, Д.Жабборов, С.Усмонхўжаев, М.Умирзоқов (И.Рахимов), Ж.Оганесян, З.Тожиев.
«Бунёдкор»: И.Нестеров, А.Шорахмедов, А.Филипосян, А.Ғофуров, С.Жўраев, Я.Мандзукас, А.Рахимов, Л.Тўраев, И.Бойдадаев, А.Солиев, А.Ражабов.
Гол: А.Солиев (19-пен.)
Кейин майдонга иккала жамоанинг захира футболчилари туширилди. Аммо, «Бунёдкор»нинг заҳира таркиби «Локомотив»дан сезиларли даражада кучли эди. Бу эса ўйинда ўз аксини топди ва якунда темирйўлчилар йирик – 5:0 ҳисобида имкониятни бой беришди. Мазкур учрашувда «Локо» қуйидаги таркибда ҳаракат қилди:
«Локомотив»: А.Ашуров, Э.Расулов, А.Нўъмонов, З.Раупов, Ғ.Сулаймонов, Т.Акчурин, Б.Каримжонов, А.Абдуқодиров, Ф.Мирюнусов, К.Абрамов, А.Шоғуломов.
Заҳирадан тушганлар: А.Тўхтабоев, Б.Тиллабоев.
манба : lokomotiv.uz
|
