| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Декабрь » 10 » Максим Шацких: Ғалаба сув ва ҳаводек зарур
10:52 Максим Шацких: Ғалаба сув ва ҳаводек зарур |
Украина чемпионатининг 20-тур ўйинларидан сўнг Премьер-лиганинг кузги мавсумига якун ясалади. Бугун Киевнинг "Арсенал" клуби ўз майдонида "Ворскла"ни қабул қилади. Мусобақа жадвалида бу жамоаларни 3 очко ажратиб турибди ва ҳар иккала жамоа қишки танаффусга яхши кайфиятда чиқиб кетиш учун ғалаба мақсадида тўп суради. Ўйин олдидан "Арсенал" сардори Максим Шацких интервью берди.
- Сўнгги ўйинларда кетма-кет мағлубиятга учраб, клуб мавсумнинг кузги қисми учун пайдо бўлган ижобий таассаротларни бузиб қўйди...
- Албатта. Ғалаба қозона олмасанг, асабийлашасан. Тўртта ўйиндан бери ғалаба қозона олмаяпсиз, шубҳасиз, бу бизни хавотирга солмоқда. Лекин ҳеч ким таслим бўлмоқчи эмас - мавсумни юқори нотада якунлаш учун қўлимиздан келган барча ишни қиламиз.
- Бир ойдан ортиқроқ вақт давомида жамоа юта олмаётгани жамоанинг муҳитига таъсир кўрсатяптими?
- Йўқ. Йигитларнинг кайфияти яхши. Умуман олганда, пасайишлардан ҳеч ким суғурталанмаган. Шунингдек, ҳамиша ғалаба қозониш ҳам мумкин эмас. Энг асосийси - жамоа бор ва натижага қандай эришишни биламиз. Ўйинимиз ҳақида гапирадиган бўлсам, охирги ўйинларда ёмон ўйин кўрсатдик дея олмайман.
- Ҳамма гап шунда-да. "Ильичевец" билан ўйинни инобатга олмаганда, "Арсенал" ёмон ўйин кўрсатмаяпти. Ижобий натижага эришиш учун жамоага нима етишмаяпти?
- Менимча, озгина омад. Шунингдек, вазиятлардан унумли фойдалана олмаяпмиз. Ҳар бир ўйинда гол уриш учун вазиятлар бўлмоқда, аммо улардан ҳар доим ҳам фойдалана олмаяпмиз. "Ильичевец"га қарши ўйиннинг биринчи бўлимида яратган имкониятларимиздан фойдаланганимизда, ўйлайманки, голсиз дурангдан кўра кўпроғига эришган бўлардик.
- Четлаштириш ҳам ўз сўзини айтади...
- Дарвоқе, ҳа. Сўнгги тўртта ўйиннинг 3тасида учрашувни 10 киши бўлиб якунладик. Ҳозир чемпионатда тўлиқ таркиб билан ўйнашнинг ўзи оғир, камчиликда ўйнашни гапирмаса ҳам бўлади. Лекин "Черноморец"га қарши ўйинда 10 киши бўлиб ҳам рақибни ўз жарима майдончасига қамаб қўя олгандик. Фақатгина устунликдан фойдалана олмагандик.
- "Шахтёр" билан "Донбасс Арена"да очиқ футбол ўйнаш ҳаддан ташқари таваккалчилик эмасми?
- Йўқ. Мен буни хато деб ҳисобламайман. Биз мухлислар учун ўйнаймиз ва уларни хурсанд қилишимиз керак. Агар бутун жамоа бўлиб ҳимояланганимизда, "кончилар" бизга умуман гол ура олмаслиги мумкин эди. Лекин бу нотўғри бўларди. Бу футбол, регби эмас.
- "Арсенал" тўрт ўйиндан бери рақиб дарвозасини ишғол қила олмаяпти. Бу ҳужумчиларга руҳий босим ўтказадими?
- Менимча, йўқ. Албатта, гол уриш - жуда муҳим. Лекин ўзимиз 2-3та гол уриб, 4та ўтказиб юборишдан нима наф? Яхши футбол кўрсатган ҳолда, ғалаба қозониш - энг муҳими.
- Аввал ҳам жамоа кетма-кет 4та ўйинда гол урмаган ҳолатларга дуч келганмисиз?
- Очиғини айтсам, эслолмайман. Турли сериялар бўлган - яхшилари ҳам, ёмонлари ҳам. Бунга аҳамият бериш керак эмас, шунда ҳаммаси яхши бўлади.
- Қайси ўйин жамоангиз учун энг ёмони бўлди?
- Менимча, "Шахтёр"га қарши ўйин. Ҳар ҳолда бешта гол ўтказиб юбориш ёқимсиз ҳолат. Ҳаттоки ўйиннинг катта қисмини камчиликда ўтказган бўлсакда.
- Энг яхшиси-чи?
- Яхши ўйинларимиз кўп бўлди. "Карпати"га қарши сафар ўйинида ажойиб ўйин кўрсатдик ва 3та гол урдик. Ғалаба қозона олмаган айрим ўйинларимизда ҳам яхши ўйнадик. Назаримда, "Черноморец" билан уйдаги ўйинда яхши ўйин кўрсатдик.
- "Ворскла" устидан қозонилажак ғалаба муваффақиятсиз ўйинларни ёпа оладими?
- Ҳа. Бу ўйин биз учун муҳим аҳамиятга эга. Полтава жамоасига қарши ўйинда 3 очко биз учун сув ва ҳаводек зарур. Яхши ўйин кўрсатиб, ғалаба қозонишга ҳаракат қиламиз.
- Ўтган мавсумда Европа лигасига бериладиган ўрин учун курашда "Ворскла" "Арсенал"ни ортда қолдирганди. Бу ҳолат қўшимча мотивация берадими?
- Биздаги иштиёқ шундоқ ҳам кучли. Ушбу мавсумда полтоваликларга ютқазганимизга эса анча вақт бўлди. Бундан ташқари Европа лигаси йўлланмасини қўлга кирита олмаганимизга фақатгина "Ворскла" билан ўйинда йўқотилган очко сабаб бўлмади. Бошқа ўйинларда ҳам очколарни қўлдан чиқаргандик. Ҳозир бу ҳақда гапиришдан маъно йўқ.
- Николай Павлов жамоасининг Европа лигасидаги ўйинларини кузатдингизми?
- Ҳа. Уларнинг Европа лигасидаги деярли барча ўйинларини кузатишга ҳаракат қилдим. Улар ҳар бир ўйинда яхши ўйин кўрсатишганини айтиб ўтишим мумкин. Еврокубоклардаги иштирок жамоанинг фойдасига хизмат қилди - "Ворскла" тажриба тўплади. Бунинг эвазига улар чемпионатда ишончли ўйнаётганлари кўриниб турибди.
- Ушбу мавсумда "Ворскла"нинг ўрнини эгаллашни қўлдан чиқармайсизларми?
- Нима учун айнан уларнинг ўрнини? Бизнинг вазифамиз - Еврокубокларга чиқиш. Буни бажариш учун бор кучимизни ишга соламиз. Ким кимнинг ўрнида бўлишини тахмин қилишга ҳали эрта. Олдинда ҳали ўйинлар кўп.
Манба: www.sport-express.ua
|
|
Категория: Интервью |
Просмотров: 484 |
Добавил: 11x11
| Рейтинг: 0.0/0 |
| |
 | |  |
|
