| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Декабрь » 30 » Максим Шацких: Ўзимни 33 ёш деб ҳис қилмаяпман
17:21 Максим Шацких: Ўзимни 33 ёш деб ҳис қилмаяпман |
Максим Шацких Украина чемпионатлари тарихида "гол+пас" статистикаси бўйича биринчи ўринда кетмоқда ва яқин орада уни ҳеч ким бу ўриндан четга суриб қўя олмаса керак. Иккинчи ўринда бораётган Андрей Воробей ҳозирги кунда унчалик яхши формада эмас ва у орадаги 29 очколик фарқни йўққа чиқара олиши даргумон.
33 ёшли футболчи ушбу мавсумда кам гол урмоқда. Аммо бу камчиликни у баҳорга келиб бартараф этмоқчи.
- Сўнгги йилларга келиб, самарадорлик кўрсаткичингиз анча пасайди. Бу ўзингиз тўп сурадиган позицияни ўзгартирганингиз билан боғлиқми?
- Ундай демаган бўлардим. Ўтган йили ҳам қанотда ўйнаганди, лекин голлар ургандим. Фақат ҳозир ўйин услубимиз ўзгарган. Шунингдек, мени омадсизлик тақиб қилаётганини ҳам айтиб ўтмасам бўлмайди. Лекин асосийси - вазиятларни юзага келтиряпмиз ва умид қиламан, баҳорда яна гол уришни бошлайман.
- Ҳисобингизда Украина чемпионатлари доиасида 60та голли пас бор. Голга ассистентлик қилган дамларингиз худди гол урганингиздек қувонч келтира олганми?
- Мен бунча голга ассистентлик қилганимни билмасканман. Мен ҳозир ўйнаётган позициямга ўрганиб қолдим ва мен узатган пасдан сўнг шеригим гол урса, бу албатта қувонч келтирмоқда.
- Самарали ҳаракатларингизнинг аксариятини "Динамо" сафида амалга оширгансиз. Кўпроқ кимнинг узатмасидан кейин гол урганингизни эслай оласизми?
- Шубҳасиз, Валентин Белькевич.
- Ўйин пайтида кўпроқ қайси футбочлини яхши тушунардингиз?
- Биласизми, ўша пайтда бутун жамоа бир-бирини яримта сўз орқали яхши тушунарди. Муваффақиятларимизнинг сири ҳам шунда эди.
- Ҳозирги кунда "Арсенал"нинг сардор ва етакчиларидан бирисиз. Жамоанинг потенциали ҳақида нима дея оласиз?
- Жамоа юқори потенциалга эга. Олдимизга қўйилган Европа лигасида иштирок этиш вазифасини бажара олишимиз керак. Европанинг кучли жамоалари билан ўйинларда нималарга қодирлигимизни синаб кўришни истардик.
- Ҳозирги "Арсенал" еврокубокларда муносиб иштирок этган бўлармиди?
- Ўйлайманки, ҳа. Бугунги кунда ҳар бир позоцияда тенг кучли икки нафардан футболчига эгамиз ва уларданг энг кучлилари майдонга тушади.
- "Канонирлар" ўйинчиларнинг номи бўйича кучли кўринади. Жамоа нима учун кам гол урмоқда (20та ўйинда 23та гол)?
- Ҳар бир ўйинда гол уриш учун кўп вазиятларга эга бўлмоқдамиз. Демак, уларни голга айлантириш устида кўп ишлашимиз лозим. Шунингдек, кам гол ўтказаётганимизни ҳам унутманг.
- Сўнгги пайтларда жарима зарбаларини тепаётганингизни кўрмаяпмиз.
- Мен аввал ҳам жарима зарбаларини кўп амалга оширганман. Жамоамизда буни яхши ижро этадиган йигитлар кўп ва улар машғулот жараёнида бунинг устида кўп ишлашади.
- Фаолиятингиздаги энг чиройли голни 2002 йили "Ньюкасл"га урганингизни кўп бора таъкидлагансиз. Энг чиройли голли пасингизни эслай оласизми?
- Дарҳол бир нарса дейиш қийин. Лекин ишончим комил, бундай паслар кўп бўлган. Менинг пасимдан кейин шеригим бўш дарвозага гол урса, бу менга кўпроқ роҳат бағишлайди.
- Ҳозирги кунда Украинадаги энг яхши плеймейкер сифатида кимни таъкидлайсиз?
- Доимий равишда шерикларини тўп билан таъминлаётган барқарор футболчини кўрмаяпман. Вақти-вақти билан қайсидир ўйинчи кўзга ташланиб туради. Боз устига, футбол ҳам ўзгарди ва барча жамоавий ўйин қилишга ҳаракат қилишмоқда.
- Белькевични голли паслар сони бўйича қувиб ўтишга ҳаракат қиласизми? Ҳозирги кунда Валентиндан 10та пасга ортда қоляпсиз.
- Бундай статистикани энди билиб турибман. Демак, интилиш учун янги стимул пайдо бўлмоқда (кулади). Жиддий айтадиган бўлсам, ҳар бир ўйинда жамоага фойда келтириш учун бор имкониятимни ишга соламан. Агар гол менинг иштирокимсиз киритиладиган бўлса, жамоадошларим учун хурсанд бўламан.
- Ёшингиз билан боғлиқ саволни бермасам бўлмайди. Ҳали узоқ вақт юқори савияда ўйнашни режалаштиряпсизми?
- Соғлигим жойида экан, ўйнашда давом этаман. Футболчи 30дан ошса, демак у футбол ўйнашни тўхтатиш керак, деган гап бизда иттифоқ давридан бери бор. Европада кўп ўйинчилар менинг ёшимда энг юқори формага эришади. Мен ўзимни 33 ёш деб ҳис қилмаяпман. Шунинг учун майдонда бажонудил тўп тепяпман.
Манба: www.dynamo.kiev.ua
|
|
Категория: Интервью |
Просмотров: 507 |
Добавил: 11x11
| Рейтинг: 0.0/0 |
| |
 | |  |
|
