Ўтган ҳафтада футбол қироли Пеле «Сантос» ҳужумчиси Неймарнинг
«Барселона» етакчиси Лионель Мессидан анча кучли эканлигини айтиб ўтганди.
Унинг бу гаплари Мессининг юртдоши Диего Марадонага сира ёқмади. «Афтидан, Пеле
адашиб бошқа дори ичиб олган кўринади. Ёки таблеткани кечаси эмас, эрталаб
қабул қилган. Шунга унинг гаплари ғалати бўлиб қолган. Келаси сафар унга тўғри
дори ичишни тавсия қиламан. Шунингдек, Пеле шахсий шифокорини алмаштириши
лозим. Тан оламан, Неймар яхши футболчи. Аммо Мессининг даражасига етиши учун
ҳали кўп уриниши керак. Менимча, у Леога тенглашолмайди»,-деди Марадона.
|