Дортмунднинг "Боруссия" клубининг 19 ёшли ярим ҳимоячиси
Марио Гётце Италиянинг Tuttosport нашри
томонидан таъсис этилган Европанинг энг яхши ёш футболчига бериладиган
"Олтин бола" совринига лойиқ деб топилди. Бу мукофотни 21 ёшдан катта
бўлмаган футболчилар қўлга киритишлари мумкин.
Аввлроқ Лионель Месси, Сеск Фабрегас, Уэйн Руни ва Марио Балотелли
("Олтин бола"-2010) каби футболчилар бу совриннинг лауреатларига
айланишган.
"Бу ажойиб воқеа, - деди ўйинчининг агенти Фолькер Штрут. – Бу
Марио учун катта шараф ва у шундай истеъдодли футболчилар билан бир қаторда
турганидан фахрланса арзийди".
|