Сўнгги пайтларда футбол оддий ўйин эмас балки, даромад манбаига ҳам
айланди. Бекорга футболни "миллионлар ўйини” дейишмайди. Дарҳақиқат, бугунги кунда ушбу ўйинда
миллионлаб пуллар айланмоқда, миллионлаб мухлислар футболга ишқибозлик
қилишмоқда.
Бугун МДҲнинг футболи энг ривожланган мамлакатлари – Россия ва Украина
футболидаги миллионлар ҳақида гаплашамиз.
Россияда Акинфеев пешқадам
Германиянинг transfermarkt.de сайти маълумотига кўра, бугунги кунда
Россия терма жамоасининг энг қимматбаҳо ўйинчиси Игорь Акинфеев бўлиб турибди.
ЦСКА посбонини ўз сафида куришни истайдиган жамоа армиячилар ҳисоб рақамига 18
млн. евро тўлаб қўйиши керак. Иккинчи ўринда "Арсенал” ҳужумчиси Андрей Аршавин
бормоқда. Унинг трасфер нархи 17 млн. евро деб кўрсатилган. Юрий Жирков, Игорь
Денисов ва Алан Загоевларнинг баҳоси ҳам чакки эмас. Роман Павлюченконинг
трансфери эса анча арзонлашди. 2008
йилда "Тоттенхэм” ушбу футболчини 18 млн. евро эвазига сотиб олганди. Айни
дамда Павлюченконинг трансферини 8,5 млн. еврога сотиб олиш мумкин. Яна бир
тажрибали ҳужумчи Александр Кержаковнинг тарансфери 10 млн. еврога
баҳоланган.
Украинада Чигринский етакчи
Келаси йили Европа чемпионатини қабул қиладиган Украина терма жамоаси
футболчиларининг трансфер баҳолари у қадар қиммат эмас. Масалан, Андрей
Шевченкони 5,5 млн. евро эвазига харид қилиш мумкин. "Бавария” ярим ҳимоячиси
Анатолий Тимошукнинг трансфери 6,5 млн. еврога баҳоланган. Ҳолбуки, бир пайтлар
"Зенит” ушбу футболчини 20 млн. евро эвазига ўз сафига қўшиб олганди. Блохин
жамоасининг "тилла боласи” сифатида Дмитрий Чигринский эътироф этилмоқда.
"Шахтёр” ҳимоячисининг трансфери 10 млн. еврога тенг. Александр Алиевнинг нархи
ҳам ёмон эмас – 9 млн. евро.
Энг қимматбаҳоси – "Зенит”
Энди клублар ҳақида гаплашамиз. Тransfermarkt.de сайти маълумотига кўра,
Россиянинн трансфер бозоридаги энг қимматбаҳо жамоаси сифатида Санкт
Петербургнинг "Зенит” жамоаси эътироф этилмоқда. Питерликларнинг умумий
нархи 137,8 млн. еврога тенг. Ҳар бир
футболчининг ўртача баҳоси эса – 3,28 миллион еврони ташкил этмоқда. Кейинги ўрин ЦСКАга тегишли. Армиячиларнинг
барча футболчиси 135,5 миллион еврога баҳоланган. Қозоннинг "Рубин” жамоаси
кучли учликни якунлаб беради. Бердиев жамоасини 107,3 млн. еворога сотиб олиш
мумкин. Ҳамюртимиз Одил Аҳмедов тўп сураётган "Анжи” жамоасинин кўрсаткичи
105,3 млн. еврога тенг. Бошқа бир ватандошимиз Санжар Турсунов ўйнаётган
"Волга” клубининг умумий тарнсферлар нархи 17,5 млн. евро деб баҳоланган.
Россия чемпионатининг "тилла
ўйинчилари” легионерлар :
1. Самуэль Это`О (Анжи,
Камерун) – 35 000 000 евро
2. Данни (Зенит, Португалия) -
18.000.000 евро
3. Сейду Думбия ( ЦСКА, Кот`Ивуар) –
15 000 000 евро
4. Бруно Алвеш (Зенит, Португалия) - 14.000.000 евро
5. Кейсуки Хонда (ЦСКА, Япония) – 13 000 000 евро
6. Кевин Кураньи (Динамо, Германия) – 12 000 000 евро.
"Шахтёр” анча илгарилаб
кетган
Украинада эса «Шахтёр» жамоаси пешқадамликни қўлга олган.
"Кончилар”нинг умумий трансфер нархи 159,7 млн. еврога баҳоланган. Киевнинг
"Динамо” клуби эса Луческу жамоасидан анча ортда қолмоқда. "Динамочилар”нинг
барча ўйинчиларини 100 млн. еврога сотиб олса бўлади. "Шахтёр” клуби нафақат Украинада балки, бутун
МДҲда етакчи дейиш мумкин.
Ҳамюртимиз Максим Шацких тўп сураётган Киевнинг бошқа бир жамоаси
"Арсенал”нинг умумий трансфер нархи 19,5 млн. еврога тенг. Виталий Денисов
ўйнаётган "Днепр” ҳозирча кучли учликда бормоқда. Днепропервоскликларнинг барча
ўйинчилари 63,6 млн. еврога баҳоланган.
Денисовнинг ўзини эса 2,5 млн. еврога сотиб олиш мумкин бўлади.
Украина чемпионатининг
"тилла ўйинчилари” легионерлар :
1. Дарио Срна (Шахтёр, Хорватия) – 16 000 000 евро
2. Виллиан (Шахтёр, Бразилия) – 15 000 000 евро
3. Фернандиньо (Шахтёр, Бразилия) – 11 000 000 евро
4. Дулгас Кошта (Шахтёр.
Португалия) – 11 000 000 евро
5. Эдуардо (Шахтёр, Хорватия) – 9 000 000 евро.
Аброр
Деҳқонов тайёрлади
| 
