| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Декабрь » 4 » Санжар Турсунов: «Волга» учун мавсум оғир кечди
04:20 Санжар Турсунов: «Волга» учун мавсум оғир кечди |
Ҳамюртимиз Санжар Турсунов "Волга" сафида клуб Биринчи лигага чиққан мавсумдан бошлаб иштирок этиб келмоқда. Биринчи дивизиондаги икки йиллик иштирок давомида Турсунов "Волга" жамоасининг асосий таркиб футболчисига айланиш билан биргаликда, мухлисларнинг ҳам ёқимтойига айланди. У асосий таркибда майдонга тушмаган пайтларда, мухлислар мураббийдан уни майдонга туширишни талаб қиладиган бўлишди. Кейинчалик у "Волга" билан Премьер-лига йўлланмасини қўлга киритди ва юқори дивизионда ўз кучини синаб кўрди. Санжар Турсунов "Волга" клуби расмий веб-сайтига интервью берди.
БАҲОРДА ЗАХИРАДА ЎТИРДИМ
- Санжар, ушбу мавсумда ўз ўйинингизни қандай баҳолайсиз?
- "Волга"нинг Премьер-лигадаги дебюти қийин кечди. Кўпчилик йигитлар бундай савиядаги мусобақада тўп суриш тажрибасига эга эмасдилар. Шунинг учун барча ўйлаган нарсамиз амалга ошмади. Мен ҳам Премьер-лигада илк марта ўйнаганим учун ҳамиша мухлисларни хурсанд қиладиган ўйинни намойиш қила олмадим. Лекин жамоамизнинг биринчи даврадаги "Динамо" (3:0), "Ростов" (3:1) ёки иккинчи даврадаги "Терек" (3:1) билан ўйинларини яхши учрашувлар қаторига кўшсак бўлади. Бу ўйинларда биз мураббийнинг кўрсатмаларини тўлалигича бажардик ва ишончли ғалабага эришдик... Умуман олганда, ўз ўйинимни "уч"га баҳолайман. Лекин худди Биринчи дивизионга мослашиб олганим каби, Премьер-лигада ҳам тажриба тўплаганимдан кейин, янада яхшироқ ўйнай олишимга ишонаман.
- Ҳар бир ёш футболчи Премьер-лигада тўп суришни орзу қилади. Лекин сиз Биринчи дивизионда яна бир йил тўп суриб, ўйинингизни янада кучайтириб олишингиз мумкин эди. Шу фикрга қўшиласизми?
- Йўқ. Премьер-лига дебют қилиш имкониятидан вой кечиш керак эмасди. Бир йил аввал "Волга" олий дивизионда ўйнаш ҳуқуқини қўлга киритди. Жамоа билан бир йиллик шартномам бор эди ва шунинг учун Нижегород клубида қолдим.
- Яъни, мавсумлар оралиғида жамоадаги ўрнингиздан хавотир олмадингиз?
- Нимага? Хавотир олдим. Мавсумнинг илк турларида захира ўриндиғида ўтирганимни ўзингиз кўрдингиз-ку! Кейинчалик вазият мен учун яхши томонга ўзгарди. Шартномаси бор ҳар қандай футболчи ҳам асосий таркибдан жой кафолатганини айта олмайди. Асосий таркибга муносиб эканнингни ҳар кунги машғулотларда исботлаш керак.
ЮКЛАМАЛАРДАН ЭМАС, ПАРВОЗЛАРДАН ЧАРЧАДИМ
- Ушбу мавсумда сизни Ўзбекистон терма жамоасига бир неча марта таклиф қилишди. Қўшимча юкламалар жисмоний ҳолатингизга қандай таъсир кўрсатди?
- Парвозларнинг таъсири сезилди. Узоқ парвоздан кейин тикланиш қийин кечди. Ўйин юкламаларига мен кўникиб бўлганман.
- Ўзингизни миллий терма жамоа асосий таркибининг тўлақонли аъзоси деб ҳисоблайсизми?
- Ҳали бундай деб айтиш қийин. Мураббийлар штаби доимий равишда 18 нафар футболчини таклиф этишади ва уларга ишонч билдиради. Ҳар бир ўйинга рақиб имкониятларидан келиб чиқиб, турлича тактика танланади. Шу боис таркиб ҳам турлича бўлади. Табиийки, бунда футболчининг жисмоний ҳолати ҳам инобатга олинади.
- Мураббийлар Россия чемпионатида ўйнаётган футболчиларни қай тариқа кузатиб боришмоқда?
- Мураббийимиз Россия чемпионати ўйинларини телевизор орқали кўради. Шунинг учун ўйинчининг қанчалик тайёрлигини ва қайси футболчининг хизматидан фойдаланиш кераклигини яхши билади. "Волга" сафида майдонга тушганимда менда яхши ўйнаш учун қўшимча иштиёқ бўлади. Ушбу мавсумда Ўзбекистон терма жамоаси бошқа ўйин ўтказмайди. Демак, таътилни уйда, яқинларим билан бирга ўтказиш имкониятига эгаман.
- Дарвоқе, қаерда ўзингизни яхши ҳис қиласиз? Ўз ватандошларингиз билан терма жамоадами ёки интернационал таркибга эга бўлган "Волга"дами?
- Бу борада терма жамоада ҳам, клубда ҳам ҳеч қандай муаммо йўқ. У ерда ҳам, бу ерда ҳам ўзимни яхши ҳис қиламан.
- Яқинларингиз Россияга келиб, иштирокингиздаги ўйинларни кузатишганми?
- Онам ва жияним (акамнинг фарзанди) Россияга келишган. Жияним футбол кўришга келган. Онам эса трибунада ўтириб менинг ўйинларимни кузата олмайди - жудаям ҳаяжонланади.
ЖАМОАДОШЛАРИМ ТЎЙИМГА БОРИШМОҚЧИ
- Оилада рус тилида сўзлашармидинглар ёки рус тилини Россияга келганингиздан кейин ўрганганмисиз?
- Тошкентда яшаганимда болаликда кўплаб рус йигитлари билан дўстлашгандим. Шунинг учун рус тили билан бошланғич синфлардан яхши танишман. Лекин, шунга қарамай, Россияга келган илк давримда қийин бўлганди. Суҳбатдошимни тушунардиму, аммо ўз фикримни тушунтириб бера олмасдим.
- Россияда ўтказган 6 йиллик даврингизда она тилингизни унутиб қўймадингизми?
- Йўқ, албатта. Мен тез-тез уйга бориб тураман. Ўтган мавсумда 2-3 марта Тошкентда бўлган бўлсам, ушбу мавсумда терма жамоанинг таклифи туфайли деярли ҳар ой уйда бўлдим. Таътилни Тошкентда ўтказишни яхши кўраман. Бу йил эса иссиқ ўлкаларда дам олишга қарор қилдим (кулади). Футболчи-дўстларим билан Дубайга йўл оламиз.
- Айтишларича, Тошкентда ҳам унчалик совуқ эмас. "Волга"даги жамоадошларингиздан бирортаси сизникига меҳмонга борганми?
- Ҳозирча йўқ, лекин кўпчилик йигитлар уйланадиган бўлсам, Тошкентга боришмоқчи.
- Уйланишни режалаштираяпсизми?
- (кулади) Бундай режам бор, лекин ҳали келин топмадим. Ота-онам қидиришмоқда.
- Трибунадан мухлисларнинг "Русские вперед" деган ҳайқириғини эшитганингизда, нималарни ҳис қиласиз?
- Буни кўпгина шаҳарларда эшитиш мумкин. Бунга эътибор бермайман. Бундан хафа бўлмайман. Боз устига, менда иккита фуқаролик бор.
- Хабарингиз бўлса, ўз терма жамоалари сафида ўйнаган МДҲ футболчилари Россия чемпионатида легионерларга тенглаштирилмоқчи...
- Ҳа, эшитдим. Лекин бу ҳақда ҳали жиддий ўйлаб кўрмадим. Албатта, агар бундай ўзгаришга қўл урилса, бизга жамоалар таркибига кириш қийин бўлиб қолади. Ҳозирча эса бундай ҳужжат қабул қилинмади. Олдин бир қарорга келишсин, кейин нима қилишни ўйлаб кўраман.
Манба: www.fcvolgann.ru
Ўқилган: 833. Фикрлар: 2. Сана: 12.03.
|
|
Категория: Интервью |
Просмотров: 511 |
Добавил: 11x11
| Рейтинг: 0.0/0 |
| |
 | |  |
|
