| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Декабрь » 1 » Сервер Жепаров: "Терма билан ҳам ютуқларга эришиш пайти келди"
12:59 Сервер Жепаров: "Терма билан ҳам ютуқларга эришиш пайти келди" |
Миллий терма жамоамиз сардори Сервер Жепаров Осиёнинг икки карра энг яхши футболчиси деб тан олинди. У биринчи бор ушбу совринни 2008 йили қўлга киритган бўлса, ОФКнинг 23 ноябрь оқшомидаги йил якунлари маросимида қитъанинг тенгсиз футболчиси соврини унга иккинчи бор топширилди.
Малайзияда бўлиб ўтган тадбирда Сервернинг рафиқаси ҳам иштирок этди. Тадбир якунига етиши биланоқ Жепаров қуруқ қўл билан Саудия Арабистонига, рафиқаси эса соврин билан Тошкентга парвоз қилди.
- Салом Сервер! Соврин муборак бўлсин.
- Раҳмат, жудаям хурсандман.
- Ҳиссиётларингиз ҳали-вери сўнмаган бўлса керак?
- Йўқ, асло! Очиғини айтсам, 2008 йили бу совринни илк бор қўлга киритганимда қандай хурсанд бўлган бўлсам, ҳозирги кайфиятим ўша пайтдагисидан юқорироқ бўлса юқорики, асло кам эмас. Ўйлайманки, бу совринни бежизга қўлга киритмаганимни терма жамоадаги ва клубимдаги ўйинларим билан амалда исботлайман.
- Очиғини айтинг, йил бошида "Йилнинг энг яхши футболчиси бўласан” дейишганида ишонармидингиз?
- Ҳаётда ҳеч бир нарсани олдиндан айтиб бўлмайди. Инсон ўз меҳнатига ҳақиқий баҳони қачонки мукофотланганда ва қилган иши чиройли якунланганда олади. Ана ўшанда роҳатланади. Мен ушбу йилни жуда яхши бошладим. Осиё чемпионатида ўзимни кўрсата олдим ва терма жамоам билан яхши натижаларга эришдим. Йил давомида клубим билан яхши кўрсаткичлар қайд этдим. Жаҳон чемпионати саралаш босқичи доирасида ҳам ажойиб ўйинлар кўрсатиб, мухлисларимизни қувонтирдик. Ана шу меҳнатларим якунда юксак баҳоланиб, қитъанинг энг яхши ўйинчиси бўлдим.
- Совринни кимларга бағишладингиз?
- Биринчи навбатда ўзим оилам аъзолари – рафиқамга, болаларимга, ота-онамга, доимий яқинларимга, шунингдек, ўзбекистонлик футбол ишқибозларига ва она халқимга бағишлайман.
- Сиз футболчи сифатида ютиш мумкин бўлган барча шахсий совринларга эга чиққансиз. Бу борада Сиз билан рақобатлашадиган футболчилар жудаям камдан-кам топилади. Бироқ, терма жамоа борасидаги ютуқларингиз мақтанарли эмас.
- Терма жамоада тўп сураётганимга ўн йилдан ортиқ вақт бўлган бўлса-да, яхши натижалар ва албатта бирон бир совринни қўлга киритиш учун ҳаракат қилиб келяпман. Лекин ҳали термам билан ҳеч нима юта олганимча йўқ. Ўйлайманки, Ўзбекистон термаси билан соврин қўлга киритишга ва жаҳон чемпионатида тўп суришга имкониятим бор. Жамоамиз шундай ўйнашда давом этадиган бўлса, албатта мундиалга чиқамиз. Ана ўшанда футболдаги армоним қолмасди. Очиғини айтсам, терма жамоам билан совринга эриши пайти келди.
- 2002 йилдан буён Осиё Чемпионлар лигаси турнирида мунтазам иштироб этиб келяпсиз. Бироқ 2012 йилда қитамизнинг клублар ўртасидаги энг нуфузли турнирида ўйнай олмайсиз. Осиёнинг амалдаги энг яхши футболчиси ОЧЛда ўйнамаслиги жудаям оғир бўлса керак?
- Бу хабарни эшитганимда қаттиқ қайғуга тушдим. Ҳолатимни кўрган араб шайхлари "янги мавсумга ОЧЛга бериладиган йўлланмаларнинг бирини қўлга киритиш учун айнан Сени чақирдик-да!” деб менга юпанч бўлишди. Очиғини айтсам, Чемпионлар лигасисиз қолганимни ҳалигача хазм қилолмаяпман.
- Умуман Саудия Арабистони чемпионати Сизда қандай таассурот қолдирди?
- Шахсан мен бегона чемпионатга тушиб қолганим йўқ. Фаолиятим мобайнида арабларга қарши жуда кўп марта ўйнаганлигим боис, мослашув жараёни ҳеч қандай вақтни олгани йўқ. Асосан олтита жамоа юқори ўринлар учун кураш олиб боришади. Қолган жамоалар грандларни очко йўқотишга уринишади.
- Саудия чемпионатининг асосий кучи легионерларми?
- Шак-шубҳасиз, шундай. Бироқ маҳаллий ўйинчиларнинг маҳорати ҳам ёмон эмас.
Баҳодир МИРЗАЕВ суҳбатлашди
Манба: www.fcbunyodkor.com
|
|
Категория: Интервью |
Просмотров: 483 |
Добавил: 11x11
| Рейтинг: 0.0/0 |
| |
 | |  |
|
