Англия чемпионатининг 24-турининг марказий учрашуви ҳам ниҳоясига етди.
Унда Лондоннинг "Челси" жамоаси ўз майдонида "Манчестер Юнайтед" клубини қабул қилди. Кечкин курашларга бой бўлган мазкур ўйинда 3:3 ҳисоби қайд этилди.
Қизиғи шундаки, "аристократлар" аввалига 3:0 ҳисобида олдинда бораётган эдилар. Кейин эса, ўз дарвозаларидан учта тўп олиб чиқишга тўғри келди.
Уэйн Руни икки марта пенальтини аниқ амалга оширган бўлса, Эрнандес ҳам ўз ҳисобига битта гол ёздириб қўйди.
Иккинчи пенальти белгиланган пайтда учрашув ҳаками ноқулай вазиятда тургани боис, вазиятни унчалик аниқ баҳолай олмади. Вазият қайта намойиш этилганда пеналти йўқлиги кўринди.
Хуллас, ўйин 3:3 ҳисобида якунига етди.
Англия чемпионати, 24-тур
"Челси" – "Манчестер Юнайтед" – 3:3
Голлар: 1:0 – Эванс (36, автогол), 2:0 – Мата (46), 3:0 – Давид Луиз (50), 3:1 – Руни (58, пенальти), 3:2 – Руни (69, пенальти), 3:3 – Х. Эрнандес (84).
ЧЕЛСИ: Чех, Иванович, Давид Луиз, Кэйхилл, Босингва, Мейрелеш, Эссьен, Малуда, Мата, Старридж (Ромеу, 70), Торрес.
МАНЧЕСТЕР ЮНАЙТЕД: Де Хеа, Рафаэл (Скоулз, 64), Дж. Эванс, Рио Фердинанд, Эвра, Кэррик, Гиггз, Эшли Янг (Х. Эрнандес, 53), Валенсия, Уэлбек (Пак Чжи Сун, 85), Руни.
Огоҳлантиришлар: Торрес (31), Иванович (45), Эвра (50).
Манба: www.uff.uz
|
