Санкт – Петербургнинг
«Зенит» жамоаси ярим ҳимоячиси португалиялик Мигель Данни яқинда
"Советский Спорт Футбол” нашри мухбири билан суҳбатлашди. Мулоқот жараёнида
Данни ўзининг болалик дамлари, энг ёрқин хотиралари, рафиқаси билан қандай
учрашгани ва ҳаётидаги бир қатор қизиқарли ҳодисалар ҳақида сўзлаб берди.
Болаликнинг беғубор онлари
- Болаликдаги энг ёрқин хотиралар болалар боғчасидан қолган. Бундан
ташқари, лицейга келган илк кунларимни ҳам тез-тез ёдга оламан. Ўшанда уйга
қайтишни истаб роса йиғлаганман. Болалигимда уйимизда ҳамиша тўп топиларди.
Биринчи мактаб
- Мен шахсий мактабда таълим олганман. Бу ерда ўғил болалар ва қизлар
таҳсил олишарди. Адашмасам, қизлар кўпчиликни ташкил этарди. Ушбу илм
даргоҳидан ёрқин хотиралар қолган. У ерда кўп нарса ўрганганман.
Биринчи муштлашув
Мен деярли урушмасдим. Ўқиш давомида бир ёки икки марта муштлашганман. Юқорида айтганимдек, шахсий мактабда ўқиганим
боис ҳамма болалар тарбияли эди. Иш муштлашувга қадар етиб бормасди. Лекин
футбол, баскетбол ёки волейбол ўйнаб қолсак тортишиб қолардик. Ҳаётда эса ҳамма
хотиржам эди.
Биринчи футбол кийими
Биринчи футбол либосини мактаб терма жамоасида ўйнаган пайтларимда
кийганман. Ўшанда жамоа сардори
бўлганман. Сардорлик боғичини ҳам айнан мактабда таққанман. Биринчи бутсам ўша
пайтдаги энг машҳур маркалардан бири Bomber
бўлган. Ҳозир ўша оёқ кийимим онамнинг музейидан жой олган. Ойим менинг
нарсаларимни сақлаб юришни хўш куради.
Биринчи режим бўзилиши
Ўшанда 14 ёшда эдим. Энди Португалияга келган онларим эди. Синфдошларим
билан ниманидир нишонламоқчи бўлдик. Спиртли ичимликлар ичдик, рақсга тушдик.
Кейинчалик ўзимни нохўш ҳис эта бошладим.
Ҳозир умуман ичмайман. Спиртли ичимликлар борасида менда ҳеч қандай
муаммо йўқ.
Биринчи маош
Мавсум якунланиши билан жамоа билан шартнома имзоладим ва улар менинг
ҳисоб рақамимга пул ўтказишди. Уни қандай сарфладим? Таътилда севган қизим
билан Мадарей оролига яқин бўлган жойда хордиқ чиқардик. Айтганча, бу қиз билан
кейинчалик турмуш қурдик. Биринчи маошимга ўзимга оёқ кийимлар сотиб олганман.
Ғаройиб танишув
Менинг синглим турмуш ўроғим билан битта мактабда таҳсил олган.
Кунлардан бир куни у мен ҳақимда тўлқинланиб гапиради. Менинг Португалия
ўсмирлар терма жамоасида тўп суришимни айтади. Бироқ, хотиним бунга ишонмайди.
Кейин менга "Ҳақиқатдан ҳам Португалия терма жамоасида ўйнайсанми?” деб
хат ёзади.
Мен ҳам унга шундай жавоб ёзганман. "Ҳа, ўзинг кимсан?”. Мана шундан
кейин муносабатларимиз бошланиб кетган.
Эгизаклар
Бўлажак фарзандларим ҳақидаги хабарни эшитганимда дунёда мендан бахтли
инсон йўқ эди, гўё. Машғулотлар якунлангач, Петра менга қўнғироқ қилиб, яқинда
ота бўлишимни айтганида қувониб кетганман. Орадан бир неча ҳафта ўтиб бизда
эгизак фарзандлар бўлиши ойдинлашди.
"Данни бизда иккита ўғил бўлар экан”, деди турмуш ўртоғим. Ўша пайтдаги
ҳолатимни тасаввур эта олмайсиз.
Дастлабки автомобиль
Биринчи машинамни Лиссабонга келиб, "Спортинг” билан шартнома
имзолагандан кейин олганман. Ўшанда қора рангли А классидаги Mercedesни сотиб
олганман. Унчалик катта бўлмаса-да, ўша пайтдаги ҳолатимга қараганда, ажойиб
совға эди. Ҳозир эса ...
Россиядаги илк таассуротлар
Аэропортга келганимда ҳамма назоратдан ўтиш учун навбатда турарди. Ўша
пайтда вазият умуман бошқача эди. Ҳозир ҳаммаси ўзгарган. Энг асосийси Россия
ҳақида бўлган тасаввурларим эди. Бу ерга келишдан олдин кўпчилик менга урушлар
хусусида гапириб берарди. Бироқ, шаҳарга киришим билан фикрим ўзгарди. Чиройли
уйлар, майдонлар, умуман яшаш учун барча шароитлар етарли эди. Шундан кейин
Россия тўғрисида бўлган қарашларим ўзгариб кетди.
Биринчи қор
Ҳаётимдаги дастлабки қорни кечагидек эслайман. Ўшанда Россияда эдим.
Бунгача қорни умуман кўрмаганман. Венесуэла иссиқ ўлка саналади. Қорни гоҳида Америка
фильмларида томоша қилардик. Бошида қалин кийиниш бизга қийинчилик туғдирганди.
Ҳозир эса бунга ўрганиб қолдик.
Бахт
Биласизми, мен ўзимни кўп бор бахтли ҳис этганман, бундан кейин ҳам
шундай бўлади. Энг бахтли оним дунёга келган куним бўлса керак. Шу заминда
яшаётганимиз, яқинларимиз ва оиламизнинг севимли кишиси бўлганимизга шукроналар
айтишимиз керак. Ахир бундан ортиқ бахт борми, дунёда.
Айтганча...
Сўнгги маълумотларга қараганда, Данни тиззасидан олган жароҳат туфайли 8 ой
майдонга туша олмайди. "Зенит” клуб
сайтининг хабарга кўра, футболчи Флоренцияда ташкиллаштирилган турнирда ўқув-машғулот
жараёнида жароҳатланди.
Тиббий текширувлардан сўнг футболчининг 8 ой футбол ўйнай олмаслиги
маълум қилинди. Португалия Футбол федерацияси вакиллари Даннининг Евро-2012 га бора олмаслигидан
қаттиқ ранжишганини билдиришди.
Футгол маълумотномаси:
Тўлиқ исми: Даниэл Мигел
Алвеш Гомеш
Туғилган сана: 1983 йил. 7 август
Буйи: 178 см
Вазни: 70 кг
Футболчилик фаолияти
2000 - 2002 Маритиму - 20 (5)
2002 - 2004 Спортинг (Лиссабон)
- 12 (0)
2003 – 2004 Маритиму - 22 (1)
2005 - 2008 Динамо (Москва) - 97 (17)
2008 ... Зенит (СПб) - 72 (24)
Эришган ютуқлари
Португалия Суперкубоги соҳиби : 2002
Россия чемпиони: 2010
Европа суперкубоги соҳтиби: 2008
Россия кубоги соҳиби : 2009/10
Россия суперкубоги соҳиби : 2011
Аброр
БЕК тайёрлади
|