Камерунлик ҳужумчи Самуэль Это’О фаолияти давомида кўп бора мураббийлар
билан келиша олмаган. Яқинда рус ҳамксабларимиз "Анжи”да тўп сураётган
футболчининг "қора рўйхати”ни эсга олиб ўтишди.
Самуэль Моуриньога қарши
2005 йил март. Чемпионлар лигаси доирасида "Челси” – "Барселона”
учрашувида камерунлик футболчи Моуриньони ҳақорат қилганди. Ўша кунги баҳснинг
ўзи драматик тарзда кечгани кўпчиликнинг ёдидан кўтарилмаган бўлса керак. Ўша пайтда "Барса” шарафини ҳимоя қилаётган Это’Онинг
майдонга тушиши билан муаммога дуч келди. Аниқроғи, уни кимдир ҳақорат қилади.
Ўйиндан сўнг, вазиятга изоҳ берар экан қуйидагиларни айтиб ўтди: " Стадион қоровули мени маймун деб камситди,
дейди ҳужумчи. Лекин унинг ўзини тутиши маймунни эслатиб юборди. "Челси”нинг
мураббийига бир қарсангиз, бу ҳол нима учун руй берганига амин бўласиз. Моуриньо
бу – шармандалик. Унинг жамоаси умуман футбол ўйнамайди”.
Тақдир ҳазилини қарангки, орадан беш йил ўтиб, Это’О португалиялик
мутахассис бошқарган "Интер” клуби сафига келиб қўшилади. Бироқ Италияда улар
тезда тил топишишди.
Райкаардга қарши...
2007 йил февраль ойи. "Расинг”га қарши кечган ўйинда Это’О захирадан
майдонга тушади. Бу эса камерунлик футболчига ёқмайди ва "Барса”нинг ўша
пайтдаги устози Франк Райкаардга норозилигини билдиришга ҳаракат қилади.
Орадан бир кун ўтиб, газеталарда Это’О мураббийнинг кўрсатмасини ҳурмат
қилмади, қабилидаги мақоллар чиқиб кетди.
Вазиятга ойдинлик киритиш мақсадида голландиялик мутахассиснинг ўзи
қаламкашлар билан учрашди ва Это’О билан ҳеч қандай муаммо юзага келмаганини
тушунтирди.
Гвардиолага қарши…
2008 йил июнь. Айтиш жоизки, Это’О "Барселона”нинг ҳозирги бош
мураббийи Хосеп Гвардиола билан сира келиша олмасди. Пеп каталонияликларни
қабул қилиб олиши билан Самуэлни асосий таркибда майдонга туширмаслигини айтди.
Шундай бўлса-да, Это’О жамоадан кетишга шошилмади ва бир нечта совринни қўлга
киритди.
"Барселона” либосида тўп сурган Это’О бир неча марта журналистлар билан
бўлган мулоқот чоғида Гвардиолани танқид қилиб чиқарди.
Гапсеринига қарши...
2011 йил июль. "Интер”даги сўнгги кунларида камерунлик футболчи жамоа
бош мураббийи Жан Пьеро Гасперини билан тил топишолмай қолди. Бу вазиятга баҳо
берар экан Это’О мураббий нотўғри тактика танлаётганидан норози бўлаётганини
таъкидлади. Умуман бундай тушунмовчиликлар футбол оламида тез-тез учраб туради.
Клементега
қарши...
2011 йил кўз фасли. Африка
миллатлараро кубоги саралаш босқичи доирасидаги Сенегал терма жамоасига қарши
кечган ўйинда Это’О пенальтини голга айлантира олмайди. Унинг берган зарбаси дарвоза тўсинига тегиб
қайтади. Шундан сўнг, бош мураббий унинг ўринига Эрик Максим Чупо-Мотинггани майдонга туширади. Бироқ, Смуэль ушбу жамоадоши
билан сўрашмай майдонни тарк этади. Бу кўнгилсизликларнинг ҳаммаси эмасди. Макзкур
баҳсдан кейин мухлислар Камерун терма жамоаси аъзолари жойлашган автобусга
ҳужум қилишади. Бунинг натижасида терма жамоа маъмурларидан бири тан жароҳати
олади.
Ўтган йилнинг ноябрь ойида Это’О бошчилигидаги Камерун терма жамоаси
ўйинчилари иш ташлашга қарор қилишди.
Бунга футболчиларга тегишли бонус берилмаган сабаб қилиб кўрсатилди.
Бундан ташқари, Это’О терма жамоадан аввалига 15та ўйинга кейинчалик
мамлакат президентининг илтимосига кўра, 8 та ўйинга дисквалификация қилинди.
Бундай хабарни эшитгач, Это’О терма жамоадаги фаолиятини якунлаб қўя
қолди.
Футгол маълумотномаси
Тўлиқ имси: Самуэль Это'о Филс
Туғилган сана: 1981 йил10 март
Бўйи: 180 см
Оғирлиги: 75 кг
Ўйнаган жамоалари:
1997- 2000 - Реал Мадрид - 3 (0)
1997 – 1998 – Леганес - 28 (3)
1999 – Эспаньол - 0 (0)
2000 – Мальорка - 19 (6)
2000- 2004 Мальорка - 133 (54)
2004 - 2009 Барселона - 145
(108)
2009 - 2011 Интер - 67 (33)
2011 - ... Анжи - 11 (8).
Эришган ютуқлари:
Испания кубоги соҳиби : 2003, 2009.
Испания чемпиони: 2005, 2006, 2009
Испания Суперкубоги соҳиби: 2005, 2006
Чемпионлар лигаси ғолиби: 2006, 2009, 2010
«Интер»
Италия чемпиони: 2010
Италия кубоги соҳиби : 2010, 2011
Италия суперкубоги соҳиби: 2010
Клублар ўртасидаги жаҳон чемпионати ғолиби: 2010
Олимпиада чемпиони : Сидней 2000
Африка миллатлараро кубоги соҳиби :
2000, 2002
Африканинг энг яхши футболчиси: 2003, 2004, 2005, 2010
Аброр
Деҳқонов тайёрлади
|