Бир пайтлар Мадриднинг "Реал" клубида порлаган Гути ўз фаолиятини Хитойда давом эттириши мумкин. Бу ҳақда футболчининг агенти Марко Кирдемир айтиб ўтган.

«Айни пайтда қўлимизда ҳеч қандай таклиф йўқ. «Лацио»дан ҳеч ким билан алоқага чиқмади. Агар Италиядан таклиф тушадиган бўлса, уни жон деб кўриб чиқамиз, ахир А серия кучли мусобақа.

Гутига Туркияда қизиқиш бор. Бир жамоа уни 8 та ўйинга олмоқчи бўлди. Аммо биз бу таклифни рад этдик, мижозим бошқа мамлакатда ўйнашни истаяпти.

Мен шунингдек, Дубайда ҳам бўлдим, бироқ у ердаги таклиф бизни қониқтирмади. Энди яқин вақт ичида мен Хитойга йўл оламан.  У ерда бир нечта клуб билан музокара ўтказишимиз керак», – дейди агент Goal.com нашрига берган интервьюси чоғида.