Ниҳоят мухлислар орзиқиб кутган кунлар етиб келди. Сешанба ва чоршанба кунлари Европанинг тўртта шаҳрида Чемпионлар лигаси нимчорак финал босқичининг дастлабки учрашувлари бўлиб ўтади.

Сешанба куни Россия чемпиони Санкт-Петербургнинг "Зенит” жамоаси ўз майдонида Португалиянинг "Бенфика” клубига қарши майдонга тушади. Лиссабонларлик гуруҳ баҳсларида барчани ажаблантиришганди. Қани кўрамиз, бу сафар улар қандай каромат кўрсатишар экан.

Куннинг иккинчи учрашувида "Милан” ўз майдонида Лондоннинг "Арсенал” клубини қабул қилади. Ушбу баҳсга бўлган қизиқиш ниҳоятда баланд. Зеро айни дамда ҳар икки жамоа ҳам яхши спорт формасига кириб бормоқда.

Чоршанба оқшомида лиганинг амалдаги ғолиби "Барселона” меҳмонда Микаэль Баллак сардорлигидаги "Байер” клубига қарши саф тортади. Мазкур ўйинда кўпчилик каталонияликларнинг имкониятини юқори баҳолаётган бўлса-да, "дорушинослар” ҳам бор маҳоратларини ишга солишларига шубҳа йўқ.

Шунингдек шу куни гуруҳ босқичида барчани лол қолдирган Кипрнинг АПОЭЛ жамоаси Францияда "Лион”га қарши майдонга тушади. Мазкур ўйинда мезбонларнинг ғалаба қозонишини тахмин қилаётганлар ҳам йўқ эмас. Лекин унутмаслик лозимки, кипрликлар ҳозирча Чемпионлар лигасида бирор марта мағлубият аламини татиб куришгани йўқ.

Анонс

Чемпионлар лигаси

1/8 финал

Дастлабки учрашувлар

15.02 

Зенит (Россия) - Бенфика (Португалия)          

Милан (Италия) - Арсенал (Англия)       

14.02 

Байер (Германия) - Барселона (Испания)      

Лион (Франция) - АПОЭЛ (Кипр).