Тошкентдаги йиғиннинг охирги кунларида «Машъал» жамоаси сафига
финляндиялик футболчи Тони Линдберг келиб қўшилди.
Ушбу футболчи марказий ҳимоячи амплуасида тўп суради. У клуб бош
мураббийи Владимир Фомичевнинг таклифига биноан Финляндия олий лигаси вакили
МАЙПА дан «Машъал»га ўтди. Тони Линдберг 1985 йилнинг 23 сентябрида туғилган.
Скандинавиялик ҳимоячи «газчилар» билан бир йиллик шартномага имзо чекди. У 31
январь куни «Динамо»га қарши кечган ўртоқлик учрашувида майдонга тушиб, битта
гол уришга эришди.
Тони Линдберг «Машъал»га ўтишини қуйидагича изоҳлади: «Туркияда
эканлигимда «Машъал» бош мураббийи келиб
ўйинимни кузатди ва шундан сўнг «Машъал»га ўтишимни сўради. Бироз муддат ўйлаб
кўргач, бу таклифга рози бўлдим. Энди Ўзбекистон чемпионатида ўзимни синаб
кўрмоқчиман».
| 
