Бугун Тошкентда йиғин ўтказаётган Наманганнинг "Навбаҳор" клуби биринчи лига вакили "Гулистон" билан назорат учрашувини ўтказиб 2:0 ҳисобида ғалаба қозонди. Бу ҳақда "Навбаҳор" мухлислар сайти хабар тарқатмоқда.
Кескин курашлар остида кечган учрашувда тажриба ўз сўзини айтди. Аввал Қаҳрамон Муҳаммаджонов, кейин эса Зоҳид Рауповлар "Гулистон" дарвозасини ишғол қилиб, "Навбаҳор"нинг 2:0 ҳисобидаги ғалабасини таъминлади.
Жамоадаги янгиликларга тўхталадиган бўлсак, олимпия терма жамоамиз ихтиёрида бўлган Жаҳонгир Меҳмонов яна жамоа сафга қайтган. Шунингдек, мураббийлар "Бухоро" вакили Шавкат Низомиддиновни ҳам кўрикдан ўказишмоқда.
"Навбаҳор"-"Гулистон" 2:0
Голлар: Қаҳрамон Муҳаммаджонов, Зоҳид Рауповл
"Навбаҳор": Ботир Носиров, Роман Гаркуша, Жаҳонгир Меҳмонов, Қаҳрамон Муҳаммаджонов, Шавкат Низомиддинов, Собир Ҳамидов, Зоҳид Раупов, Анвар Раҳимов, Элмурод Низомбоев, Абдумалик Абдуллаев, Азиз Ибрагимов.
Захирадан тушганлар: Денис Романенко, Виталий Почуев, Максим Белих, Абдумажид Тоиров, Тимур Султонов, Санжар Асқаралиев, Владимир Чекуновни, Ғайрат Жўраев, Илҳом Бойдедаев, Абдулазиз Султонов, Артурас Фоменко.
Манба: www.lochinlar.uz.
|
