«Сўғдиёна» клуби бош мураббийи Даврон Файзиев кетма-кет учинчи бор ЎзПФЛ Кубогида зафар қучди. Жиззах клуби эса кетма-кет иккинчи бор муваффақият қозонгани билан эсда қоладиган бўлди. Ҳал қилувчи ўйинда Игорь Шквирин бошқарувидаги «Олмалиқ» клубига қарши саф тортган биринчи лиганинг янги вакили асосий вақтда дуранг натижага рози бўлди. Учрашувнинг 6-дақиқасидаёқ жиззахликлар сафида Фарход Усмонов ўзини кўрсатиб, ҳиcобни очишга муваффақ бўлганди. 29-дақиқада олмалиқликлардан Баҳодир Валиев мувозанатни тиклади. Шундан кейин ҳар икки томон қанчалик ҳаракат қилмасин, ўйиннинг асосий вақтида ҳисоб бошқа ўзгармади. Натижада бош ҳакам Рустам Бобомурод 15 дақиқадан 2та қўшимча тайм белгилади. 99-дақиқада Акмал Абдураҳмонов «Сўғдиёна»ни иккинчи бор олдинга олиб чиққан бўлса, 117-дақиқада унинг ўзи ўйинга мантиқий якун ясади – 3:1. «Сўғдиёна» – ЎзПФЛ Кубоги соҳиби! ПФЛ Кубоги-2012. Финал. «СЎҒДИЁНА» (Жиззах) — «ОЛМАЛИҚ» (Олмалиқ) 3:1 (1:1, 1:1, 2:1)
Голлар: Ф.Усмонов (6), А.Абдураҳмонов (99, 117) Б.Валиев (29).
«СЎҒДИЁНА»: У.Хонимқулов, Ш.Маннонов, А.Бегимқулов, Д.Кимсанов, Р.Ҳаитов (С.Рашидов, 119), С.Қобилов (М.Тошматов, 57), Ф.Усмонов (Б.Қосимов, 67), М.Ҳошимов (С. Хайруллаев, 119), Р.Қурбонбоев, А.Абдураҳмонов (Ф.Ёрбобоев, 118), Х.Йўлдошев (Э.Орипов, 75). «ОЛМАЛИҚ»: Т.Ғаниев, Э.Мажус, Т.Гражюнас, А.Исроилов (М.Муродов, 86), И.Йўлдошев, М.Тошматов (Д.Тўрабоев, 86), О.Мамажонов, З.Тўраев, Б.Валиев, Ш.Расулов, А.Лупашко. Огоҳлантиришлар: А.Бегимқулов (32), Д.Кимсанов (68), Р.Қурбонбоев (70) С.Ҳамроев (38). Четлатишлар: Д.Кимсанов (80, иккинчи огоҳлантириш), Э.Мажус (80). Ҳакамлар: Р.Бобомуродов, У.Каримов, О.Жумаев, А.Асимов. Инспектор: И.Нехочин
17 февраль 2012 йил. ЎФФ майдони. 98 томошабин.
Манба: www.pfl.uz
|