| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2012 » Февраль » 20 » ЎФФ президенти ФИФА қарорига нисбатан аппелляцияга имзо чекди
19:20 ЎФФ президенти ФИФА қарорига нисбатан аппелляцияга имзо чекди |
17 февраль куни швейцариялик Марсель Матье раҳбарлигидаги ФИФА тартиб-интизом қўмитаси ЖЧ-2014 Осиё саралаш мусобақаси 3-босқич учрашувидан келиб чиқиб, Ўзбекистон миллий терма жамоасининг беш нафар футболчиси ва Ўзбекистон футбол федерациясини жазолагани ҳақида хабар бергандик.
Бугун ЎФФ Президенти Мираброр Усмонов мазкур иш юзасидан ФИФА президенти Зепп Блаттер ва ФИФА тартиб-интизом қўмитасига ёзилган аппелляцияга имзо чекди. Ҳозирга қадар ОАВда эълон қилинган бунга доир бошқа хабарлар ҳеч қандай асосга эга эмас. Аппелляцияда қуйидаги фикрлар баён этилган.
"Биз 2014 йилги жаҳон чемпионати саралаш мусобақаси учинчи раундидан ўрин олган Ўзбекистон ва Тожикистон терма жамоалари ўртасидаги ўйин, шунингдек, ФИФА тартиб-интизом қўмитаси томонидан мазкур ўйинда турли қоидабузарликлар учун сариқ карточка олган Ўзбекистон миллий терма жамоасининг беш нафар футболчисига нисбатан жорий этилган жазо чоралардан келиб чиқиб мурожаат қилмоқдамиз", дея бошланади аппелляция.
Унда ҳар бир футболчининг мақсади ва бош орзуси мамлакат миллий терма жамоасида тўп суриш ва Жаҳон Чемпионатида иштирок этиш ҳисобланиши алоиҳида қайд этилган. Бироқ маълум ўйиндаги вақтни чўзганлиги учун беш нафар етакчи футболчининг дисквалификация қилиниши бу орзунинг амалга ошишини нисбатан қийинлаштириши эътироф этилган. "Бундан нафақат беш нафар футболчи, балки жамоанинг бошқа аъзолари қаторида мамлакат футбол ишқибозлари жабр кўришади", дейилади хатда.
"ЎФФ ФИФА қарорларини тўғри қабул қилади ва уларга ҳурмат билан муносабатда бўлади. Бироқ биз Ўзбекистон миллий терма жамоаси ва унинг футболчиларига нисбатан жорий этилган жазо чораларини ҳаддан ташқари кескин деб ўйлаймиз. Бу 4-саралаш босқичига йўл олган жамоани ФИФА тарғиб этаётган "Ҳалол ўйин” тамойиллари руҳига тескари, яна ҳам аниқроғи унга ишончсиз шароитга тушириб қўйиши мумкин деб ҳисоблаймиз. Шунингдек, ФИФА тартиб-интизом қўмитаси терма жамоамиз футболчиларига нисбатан икки карра жазо — жарима ва бир ўйинга дисквалификация қўлланганидан чуқур қайғудамиз".
Аввалроқ ЎФФ номлари зикр этилган футболчиларни жазолаб, Тожикистон билан ўйин учун мукофот пулларидан, кейинги босқичга чиққанлик учун тўланадиган пул мукофотларидан маҳрум қилганди. Шунингдек улар терма жамоанинг кейинги икки ўртоқлик учрашувидан четлатилган. ЎФФ ўз футболчиларига кўрган бу жазо чоралари Зепп Блаттерга ҳам тушунтирилган.
"ЎФФ футболчилар ва Ўзбекистон футбол федерациясига нисбатан белгиланган жазо чораларини жарима кўринишида сўзсиз қабул қилади. Бироқ Ўзбекистон миллий терма жамоасининг беш нафар футболчиси, жумладан, Осиёнинг икки карра энг яхши ўйинчиси ва терма жамоа сардори Сервер Жепаровнинг дисквалификация қилинишига доир қарорни қайта кўриб чиқишни сўрайди", дейилади аппелляция сўнггида.
Юқоридагилардан келиб чиқиб, белгиланган жазо чораларини адолатсиз деб ҳисоблаймиз ва адолатли қарор чиқарилишига умид қилиб қоламиз”.
Манба: www.the-uff.com
|
|
Категория: Ўзбек футболи |
Просмотров: 522 |
Добавил: 11x11
| Рейтинг: 0.0/0 |
| |
 | |  |
|
