ФИФА президенти Зепп Блаттер яқинда рус ҳамкасбларимиз билан мулоқотда
бўлди. Суҳбат чоғида халқаро футбол уюшмаси раҳбари ўзи бошқараётган
ташкилотнинг олиб бораётган ишларидан кўнгли тулаётгани ва жаҳон футболида юз
бериши мумкин бўлган ўзгаришлар хусусида тўхталиб ўтди.
ПУЛ КАМ ЖОЙДА ФИРИБГАРЛИК
КЎП
- Цюрихда ўтган йил
якунларига бағишланган тадбирда ўзингизни анча хотиржам тутдингиз. Бундай
деяётганимнинг сабаби 2011 йилда ФИФА тарихида кўплаб можароли вазиятлар бўлди.
- Футболнинг ҳозирги ва ўтмиш юлдузларини бирлаштирган маросимда яхши
кайфиятда бўлишинг шарт. Ўша куни Пеле, Беккенбауэрларнинг келгани ҳам қўшимча
куч бағишлади. Бундан ташқари, шоу-бизнес вакиллари олдида уялиб қолмаслигимиз
лозим эди. Ҳозир ҳамма ўша тадбир юқори савияда ўтганини тилга оляпти. Бундан
хурсанд бўлдим.
- Сиз бир оила деб атаган
ФИФАнинг айрим вакиллари сизни порахўрликда айблаганида қандай ҳолатга
тушдингиз?
- Буни бир сўз билан ифодалаш мушкул. Буни қарангки, ўша шахслар ФИФА
президентлиги учун ўтказилган сайловда жуда кам овоз тўплашди. Ижроия-қўмитанинг 98 фоизи менинг ғоямни
қўллаб-қувватлади. Ҳалқаро футбол уюшмаси
вакиллари менинг ишимда қониқиш ҳосил қилишаётган экан. Шундай улкан
кемани адолатли бошқариб боришга ваъда бераман. Оғир дамларда одамлар ҳаммасини
ёддан чиқаришди.
- Нимани назарда тутяпсиз?
- Футбол бу жаҳоннинг кўплаб кишилари ишқибозлик қиладиган спорт
турларидан бири. Айни дамда 300 миллион киши футбол ўйнамоқда. Миллиарддан ошиқ
мухлислар бор. Футбол одамларни бирлаштиради. Масалан, Ироқда уруш бўлаётган
пайтда ҳам ушбу мамлакатда футбол ўйналди. Ёки Ливиянинг олайлик. Мазкур давлат
оғир оҳволда бўлишига қарамай, мамлакат терма жамоаси Африка кубогида иштирок
этди. Менинг мақсадим футболни инсонларнинг ҳаётида учмас из қолдириши
таъминлашдан иборат.
- Бундан ташқари, кўпчилик
футбол орқали миллиардлаб пул топаётгани ҳам ҳеч кимга сир эмас.
- Яширмайман, сўнгги пайтларда футбол бизнесга айланиб қолди. Тан олиш
керакки, кўп пул айланадиган жойда назорат ҳам изидан чиқиб кетади. Бунга
италиялик Симоне Фарин мисол бўла олади. Ушбу инсон келишилган ўйинларда
иштирок этганини тан олмади. Украиналик эса бундай чиркин ўйиннинг олдини
олишди. Бунинг учун уларга миннадорчилик изҳор этмоқчиман. Бундай ножуя ҳаракатлар молиявий жиҳатдан оқаётган
мамлакатларда учраб туради.
- Афсуски, фирибгарлар ФИФА
ходимларининг орасида ҳам учраб турибди.
- Бу англиялик айёр журналист ўйлаб топган уйдирма. Улар шу йўл орқали
биздан уч олишга ҳаракат қилишди. Лекин менда ҳеч қандай шубҳа йўқ. Негаки, биз
жаҳон чемпионати мезбонини конгрессда эълон қиламиз.
ҲАММАСИНИ ЖИДДИЙ ҚАБУЛ ҚИЛИШ
КЕРАК ЭМАС
- Нима деб ўйласиз,
ЖЧ-2022ни қайси пайт ўтказган афзал қишдами ёки ёзда?
- Менимча, сизда Мишель Платинининг ёзда Қатарда умуман футбол ўйнаб
бўлмайди, деган фикрларидан кейин шундай савол туғилган бўлиши мумкин. Шуни
унутмангки, биз мезбонни аниқлаган пайтимизда барчасини ҳисобга олганмиз. Бу
борада бирор бир муаммо бўладиган бўлса, Қатар дарҳол бизга мурожаат этади.
Ҳозирча бу ҳол кўзатилмади. Шуни айтишим кераккки, кейинги мундиаллар тақвимига
Бразилиядаги жаҳон чемпионатидан кейин ойдинлик киритилади.
- Эштишимизча, жамоалар вакиллари
ҳам тақвимни тасдиқлаш жараёнида қатнашиш истагида экан?
- ФИФА ҳар доим бу ишни минтқадаги ассоциациялар ёрдамида ҳал қилиб
келарди. Биз ҳар қандай таклифни кўриб чиқишга тайёрмиз. Миллий терма
жамоаларининг ўйин кунини ўзгартирдик. Эътибор берган бўлсангиз, бугунги кунда
ФИФА куни жума ва сешанбага тўғри келяпти. Илгари шанба, якшанба ва чоршанба
кунлари ФИФА куни сифатида эътироф этиларди. Футболчиларнинг кўпроқ дам олишини
инобатга олиб шундай қарорга келганмиз. Лекин шундай бўлса-да, жамоалар ва
федерациялар ўртасида тортишув вужудга келяпти.
- Икки томон фақат пул учун
тортишадими?
- Шундай десак ҳам бўлади. Жамоалар терма жамоага ўйинчиларни ҳеч
қандай фисқу-фасодларсиз жўнатишлари керак. Негаки, ҳар бир футбол уюшмаси
ўйинчини суғурта қилишади. Аммо бу нарса айрим жамоалар учун ёқмайди. 2010
йилги Жаҳон чемпионатида биз жамоалар учун 40 миллион евро тўладик. 2014 йилда
бу сумма 70 млн. еврога ошади. Кейинги мундиалларда ушбу сумма кўпайиб бораверади.
Ҳозир бу борада Европа жамоалари ассоциацияси раҳбари Карл Хайнц Румменигге
билан музокара олиб боряпмиз.
- Германиялик собиқ футболчи
бир пайтлар сизни танқид қилгани эсингиздами?
- Ҳа, бироқ бунга сира парво
қилмайман. Бундай гап-сўзларга жиддий эътибор қаратишим шарт эмас деб
ўйлайман.
ЖЧ-2014ДА ФАҚАТ ПРОФЕССИОНАЛ
ҲАКАМЛАР ИШЛАШАДИ
- 2011 йил охирида ҳакамлар
профессионал бўлишлари керак деган фикрларни илгари сургандингиз. Аммо
Германияда бу таклифингизни рад этишди. Энди улар халқаро турнирларда ишлай
олишмайдими?
- Бизнинг эшигимиз ҳар бир ҳакам учун доимо очиқ. Бироқ бунинг учун
улар биз қўяётган талабларга жавоб беришлари керак бўлади. Бу жабҳада Германия
Футбол иттифоқи керакли чораларни амалга оширади, деган умиддаман.
- Ҳакамларга шундай ҳам
яхшигина ҳақ тўлашади.
- Сиз ҳақсиз. Лекин улар хатога йўл қўйса, камдан-кам ҳолда жарима
тўлашади. Менинг мақсадим худди футболчилар сингари ҳакамлар билан ҳам шартнома
имзолаш. Футбол кишиларнинг деярли ҳаммасида шартнома бор рефериларда эса йўқ.
- Бошқа масала ҳам бор,
профессионал ҳакам бу яхши рефери дегани эмас.
- Бу борада фикрингизга қўшиламан. Аммо профессионал ҳакам хато қилса,
оладиган пулларининг маълум қисмидан айрилади. Бундан ташқари, ўйинчилар ҳам
профессионал реферилар ҳурмат қилашади.
- Германиялик кўплаб ҳакам
шундоқ ҳам бошқа соҳалардан яхшигина даромад қилишади.
- Такрор айтаман, немислар барибир бу борада қандайдир тизимни йўлга
қўйишларига тўғри келади. Жаҳоннинг айрим мамлакатларида профессионал ҳакамлар
фаолият юритишади. Гондурасда эса реферилар учун махсус университет бор.
- Голни аниқлайдиган
технология хусусида нима дея оласиз. Улар Бразилияда синаб кўрилади?
- Албатта, Бразилияда буни синовдан ўтказамиз. Энди 2010 йилги
Англия-Германия ўйинидаги ҳолатлар такрорланмайди. Ушанда мен ҳам даҳшатга
тушгандим.
Аброр
Деҳқонов тайёрлади
| 
