"Пахтакор" жамоаси тарбияланувчиси саналмиш Андрей Акопянц Воронежнинг "Факел" клубига бориб қўшилди. Ушбу жамоа ҳозирги кунда Россия биринчи дивизионининг энг сўнгги поғонасини эгаллаб турибди.

Хабарингиз бор, Андрей биринчи даврани биринчи дивизионнинг бошқа вакили - "Луч-Энергия" сафида ўтказди. Акопянц владивостокликлар сафида 14та ўйинда майдонга тушиб, 2та гол урганига қарамай, унинг жамоаси мусобақа жадвалида бор-йўғи 19-ўринни эгаллаб турганди.

"Факел" эса биринчи даврадаги муваффақиятсиз иштирокдан сўнг, таркибни янгилаш мақсадида трансфер бозорида фаол иштирок этмоқда. Акопянцдан ташқари "Факел"га "Торпедо" футболчиси Евгений Гаврюк ҳам келиб қўшилган.