Лондоннинг "Арсенал” клуби ярим ҳимоячиси Андрей яқин кунларда Махачқалъанинг "Анжи” клубига ўтишлари кутилмоқда. Бу ҳақда Россиядаги РИА Новости нашри хабар бериб ўтмоқда.

Ушбу манба томонидан таъкидланишича, Андрей Аршавин махачқалъаликлар билан шахсий шартномаси борасида келишувга эришиб улгурган. Айни вақтда клублар футболчиларнинг трансфери борасида музокара олиб бормоқдалар.

Ўз навбатида Аршавиннинг ўзи "Спорт Эскпресс” нашри мухбири билан бўлган мулоқотда юқоридаги хабарларнинг барчаси миш-миш эканлигини таъкидлаб ўтди.

"Анжи”га ўтиши ҳақидаги маълумотлар қаердан пайдо бўлганига ҳайронман. Биласизми, бу нарса ҳатто хаёлимга ҳам келган эмас. Айтиш керакки, менга ушбу жамоадан ҳеч ким таклиф юбормади”,- дейди Аршавин.