Қозоғистоннинг Sports.kz интернет нашри мавсум аввалида "Олмос" лойиҳасини жорий қилиб, ҳар ой якунлари бўйича Қозоғистон чемпионатининг энг яхши футболчиларини аниқлаб келмоқда. Ушбу танловнинг иштирокчилари Премьер-лига клубларининг бош мураббийлари ва сардорлари ҳисобланади. Демак, март ойидан бери ўтказиб келинаётган танловда Марат Хайрулин ("Актобе") икки марта, Драган Богавац ("Астана") ва Улуғбек Бақоев ("Жетису") бир мартадан ой лауреатларига айланишди.

Бешинчи марта ўтказилган сўровномада Премьер-лиганинг барча 12 та клуби бош мураббийлари ва футболчилари иштирок этишди. Ҳар бир иштирокчи 3 нафардан футболчининг номзодини берди. Биринчи ўрин учун 3 очко, иккинчи ўринга - 2 ва учинчи ўринга - 1 очкодан тақдим этилди. Анкеталарда 26 нафар футболчининг номи тилга олинган бўлса, уларнинг ярмидан кўпроғини легионер футболчилар ташкил қилди.

Демак, июль ойининг энг яхши футболчиси дея "Актобе" клубининг сенегаллик ҳужумчиси Малик Мане топилди. Бу футболчи июль ойи давомида Қозоғистон чемпионатининг 4та ўйинида 3та гол уришга муваффақ бўлган бўлса, Чемпионлар лигаси саралаш ўйинларида (4та ўйин) 2та гол муаллифи бўлди. ЕЧЛдаги голларни у сафардаги ўйинларда киритди. Мане ҳисобида тўпланган очколар сони 31тани ташкил қилди.

Иккинчи ўринни эса "Жетису" ва Ўзбекистон терма жамоаси ҳужумчиси Улуғбек Бақоев эгаллади. У ўзи иштирок этган "Жетису"нинг 3та ўйинида рақиблари дарвозасини 5 марта ишғол қилди ва тўпурарлар рўйхатини бошқариб бормоқда. Бундан ташқари, у Ўзбекистон миллий терма жамоаси сафида Қирғизистонга қарши ўйинда 2 марта майдонга тушди ва битта гол муаллифига айланди. Овозлар натижасига кўра, Бақоев ҳисобида 26 очко тўпланди. 3 нафар иштирокчи уни 1-ўринда кўрсатган бўлса, 8 нафари ҳамюртимизни 2-ўринга лойиқ кўрган. Атиги бир нафар қатнашчи унга 3-ўринни берган. Дарвоқе, Улуғбек июнь ойининг энг яхши футболчисига айланган бўлса, март ойи сўровномасида учинчи бўлганди.

Учинчи ўринни эса "Актобе"нинг 32 ёшли сардори Самат Смаков эгаллади. У совриндорлари сафига иккинчи марта киришга муваффақ бўлди. У май ойи танловида 2-ўринни эгаллаганди. Смаков ва "Актобе" жамоаси июль ойида давомида на Қозоғистон чемпионати ва на Чемпионлар лигасида мағлубият аламини тортиб кўрди. Самат ҳисобидаги очколар сони 16тани ташкил қилди.

Ким кимга овоз берди.

«Жетису»

Серик Абдуалиев — Бақоев, Климавичюс, Смаков

Саят Сариев — Бақоев, Смаков, Хайруллин

«Астана»

Хольгер Фах — Богавац, Бақоев, Жумаскалиев

Ненад Эрич — Мане, Мухтаров, Богавац

«Шахтёр»

Виктор Кумиков — Василевич, Кукеев, Смаков

Никола Василевич — Финонченко, Кукеев, Жидич

«Актобе»

Игорь Кистер — Мане, Бақоев, Чичулин

Антон Чичулин — Цветкович, Мане, Кенжисариев

«Иртиш»

Талгат Байсуфинов — Кукеев, Бақоев, Мане

Константин Заречный — Бақоев, Смаков, Даскалов

«Ордабаси»

Виктор Пасулько — Мухтаров, Джилас, Мане

Бекзат Бейсенов — Мане, Бақоев, Мухтаров

«Тобол»

Сергей Петренко — Мане, Смаков, Сливич

Сергей Гридин — Петухов, Бақоев, Мухтаров

«Тараз»

Воит Талгаев — Мане, Бақоев, Касьянов

Вячеслав Соболев — Эрич, Бақоев, Мане

«Қайрат»

Жон Грегори — Цветкович, Бақоев, Кинг Мпондо

Арман Халыков — Хайруллин, Мане, Кенжисариев

«Атирау»

Иван Азовский — Хайруллин, Мане, Хижниченко

Рамиль Акбаров — Кенжисариев, Хайруллин, Джилас

«Восток»

Александр Голоколосов — Смаков, Заречный, Нивалдо

Отар Хизанейшвили — Мане, Смаков, Абдулин

«Қайсар»

Альгимантас Любинскас — Василевич, Мане, Кенжисариев

Алдан Балтаев — Смаков, Кенжисариев, Бақоев

Сўровнома натижалари:

1. Мане Малик (Сенегал) Актобе 31 (7,4,2)

2. Бақоев Улуғбек (Ўзбекистон) «Жетису» 26 (3,8,1)

3. Смаков Самат «Актобе» 16 (2,4,2)

4. Хайруллин Марат «Актобе» 9 (2,1,1)

5. Кенжисраиев Эмиль «Актобе» 8 (1,1,3)

6. Кукеев Жамбыл «Шахтёр» 7 (1,2,-)

7. Мухтаров Мухтар «Ордабаси» 7 (1,1,2)

8–9. Цветкович Иван (Сербия) «Жетису» 6 (2,-,-)

8–9. Василевич Никола (Босния ва Герцеговина) «Шахтёр» 6 (2,-,-)

10. Богавац Драган (Черногория) «Астана» 4 (1,-,1)

11–13. Петухов Александр «Тобол» 3 (1,-,-)

11–13. Эрич Ненад (Сербия) «Астана» 3 (1,-,-)

11–13. Финонченко Андрей «Шахтёр» 3 (1,-,-)

14. Джилас Владимир (Сербия) «Актобе» 3 (-,1,1)

15–16. Климавичюс Арунас (Литва) «Жетису» 2 (-,1,-)

15–16. Заречный Константин «Иртиш» 2 (-,1,-)

17–26. Жумаскалиев Нурбол «Астана» 1 (-,-,1)

17–26. Хижниченко Сергей «Шахтёр» 1 (-,-,1)

17–26. Жидич Алдин (Босния ва Герцеговина) «Шахтёр» 1 (-,-,1)

17–26. Даскалов Георги (Болгария) «Иртиш» 1 (-,-,1)

17–26. Сливич Ненад (Сербия) «Тобол» 1 (-,-,1)

17–26. Касьянов Артем (Украина) «Ордабаси» 1 (-,-,1)

17–26. Чичулин Антон «Актобе» 1 (-,-,1)

17–26. Мпондо Кинг Стефан (Камерун) «Қайрат» 1 (-,-,1)

17–26. Нивалдо Родригес (Бразилия) «Атирау» 1 (-,-,1)

17–26. Абдулин Ренат «Восток» 1 (-,-,1)