Россиянинг "Алания" клуби ҳужум чизиғини кучайтириш мақсадида
сальвадорлик ҳужумчи Родольфо Зелайя билан шартнома имзолади. Бу ҳақда клуб
расмий сайти хабар тарқатган.
"Алания" клуби 23 ёшли ҳужумчини ижарага олмоқда. Аммо,
шартномада ижара муддати тугагандан сўнг, россияликларга футболчини сотиб олиш
ҳуқуқи ҳам берилади.
Зелайя яқинда бўлиб ўтган КОНКАКАФнинг Олтин Кубогида иштирок этган ва
тўртта учрашувда тўртта гол киритишга муваффақ бўлган.
"Алания" клуби президенти Валерий Газзаев шу муносабат билан
ўз фикрларини билдириб ўтди.
"Зелайя - жуда қизиқарли футболчи. У КОНКАКАФнинг Олтин Кубогидаги
иштироки билан бизни жуда қизиқтириб қўйди. Турнир якунига кўра ҳужумчи
мусобақанинг ўн битта энг яхши футболчиси рўйхатига киритилган.
Умид қиламизки, у келгандан сўнг "Алания" клуби кўпроқ гол
киритишни бошлайди",- дейди Газзаев.
| 
