17-ТУР
21 август
«АНДИЖОН» - «НЕФТЧИ» - 2:3
(1:0)
Ҳакамлар: В. Коваленко
(Тошкент), М. Саидқосимов (Тошкент), Ж. Саидов (Тошкент),А. Асимов (Тошкент).
Голлар: Лочин Солиев - 32, 51. - Алишер Ҳолиқов - 48,
68, Анвар Бердиев – 78 (пен).
«Андижон»: Игорь Михайлов, Алексей Касъян, Александр Половков (Акбар
Хўжаев, 67), Иброҳим Отахонов, Ойбек Қиличев, Лочин Солиев, Александр Попович,
Бахтиёр Ҳамидуллаев, Икром Иброҳимов, Илдар Маматказин, Баҳром Абдураҳимов
(Шавкат Раимқулов, 61).
«НЕФТЧИ»: Ҳислат Чилматов,
Шукур Пўлатов, Ойбек Нурбоев, Павел Смоляченко, Анвар Бердиев, Ғайрат Жумаев,
Сардор Мирзаев (Асқар Муҳиддинов, 88), Воҳид Шодиев, Ислом Тўхтахўжаев, Сардор
Соипов (Бахтиёр Ёқубов, 65), Дилёрбек Эрматов
Назоратчи: Р. Мўминов
(Тошкент)
21 август оқшомида «Андижон»ва «Нефтчи»
клублари ўртасидаги навбатдаги
«водий дербиси»га гувоҳ бўлдик. "Баркамол авлод» ўйингоҳида бўлиб ўтган
учрашувда фарғоналикларнинг қўли баланд келди. Ушбу беллашувга бўлган қизиқиш
жуда юқори. Биринчи даврада Фарғонада бўлиб ўтган ўйинда мағлубиятга учраган
"бургутлар” иккинчи даврада ўша аламли мағлубиятга жавоб бериш учун майдонга
тушадилар. Бироқ…
Шу кунга қадар, жамоалар
жами 37 ўйинда майдонга тушишган. Шулардан, 27 учрашувда фарғоналиклар ғалаба
қозонишган бўлса, беш учрашувда «бургутлар» ғалабани тантана қилишган. Яна
шунча баҳсда эса томонлар дурангга имзо чекишган. Эътиборлиси, ўтган
37учрашувлардан фақатгина биттасида, яъни 2010 йилги мавсумда «Андижон» сафарда
«Нефтчи»дан очко олишга муваффақ бўлган.
Стадионга йиғилган минглаб мухлислар бешта гол кўришга муваффақ
бўлдилар. Юрий Саркисян шогирдлари сафарда 3:2 ҳисобидаги ғалаба билан ортга
қайтишди.
"Андижон" таркибида Лочин Солиев 32- ва 51-дақиқаларда
жамоасининг муҳим голларини киритган бўлса, фарғоналикар таркибида Алишер
Ҳолиқов ҳам 48- ва 62-дақиқаларда дубль билан жавоб қайтарди. 74-дақиқага келиб
Анвар Бердиев пенальтидан учинчи голни киритиб, "Нефтчи"нинг сафардаги
ўта муҳим бўлган ғалабасига ҳисса қўшди. Шу
тариқа Саркисян жамоаси қимматли уч очкони қўлга киритди.
|
