"Барселона” ва Аргентина терма жамоаси ҳужумчиси Леонел Месси Европанинг
энг яхши футболчиси учун аталган совриннинг биринчи соҳибига айланди. Маълумки,
УЕФА жорий йилдан бошлаб "куҳна қитъа”нинг тенгсиз ўйинчисини аниқлашни йўлга
қўйди.
Мавсумнинг энг яхши футболчисини аниқлашда журналистлар ва УЕФАга аъзо
бўлган давлатлар вакиллари иштирок этишди. Аргентиналик футболчи жамоадоши Хави ва "Реал” ҳужумчиси Криштиану
Роналдуларни ортда қолдирди.
Мессига ушбу соврин Чемпионлар лигаси гуруҳ босқичига қуръа ташлашдан
олдин топширилди.
"Ушбу мукофотни жамоадошларимга бағишлайман. Мен уларсиз бундай
натижаларга сазовор бўла олмасдим. Кези келганда, «Барселона”даги барча
жамоадаошларимга миннатдорчилик изҳор этмоқчиман. Шундай жамоада бўлишим бу
менинг бахтим. Умид қиламанки, "Барса” билан янги чуққиларни забт этаман”- деди
24 ёшли ҳужумчи УЕФА расмий сайтига берган интервьюсида.
Ким қанча овоз олди
1 Лионель Месси (Аргентина) - "Барселона"
(39 овоз)
2 Хави Эрнандес (Испания) -
"Барселона" (11 овоз)
3 Криштиану Роналду (Португалия) -
"Реал" (3 овоз)
4 Андрес Иниеста (Испания) -
"Барселона" (33 овоз)
5 Фалькао (Колумбия) -
"Порту"* (17)
6 Уэйн Руни (Англия) -
"Манчестер Юнайтед" (15)
7 Неманья Видич (Сербия) -
"Манчестер Юнайтед" (5)
8 Златан Ибрагимович (Швеция) - "Милан" (4)
Жерар Пике (Испания) - "Барселона" (4)
10 Мануэль Нойер (Германия) - "Шальке-04"** (3)
* "Атлетико" ўтди.
** "Бавария" ўтди.
Аброр
Деҳқонов тайёрлади
|