Ўйиндан кейинги матбуот анжуманига биринчи бўлиб "Бунёдкор” устози ташриф буюрди.
- Мамлакатимизнинг икки етакчи жамоаси ўртасида муросасиз, шиддатли ва қизиқарли ўйин бўлиб ўтди. Кетма-кет омадсизликлардан сўнг "Насаф” ўз мухлислари қаршисида ҳужумкор ўйин кўрсатиши табиий эди. Шунинг учун ҳам ҳимоядан ўйинни бошладик. Лекин маълум вақт ўтиб, биз ҳужумкорликка эътибор қаратдик. Иккала жамоа аъзолари гол уришга яқин келган бўлсалар-да, ҳеч бир жамоага гол уриш насиб этмади. Ҳатто ўйин сўнггида Трифунович пенальтидан ҳам фойдалана олмади. Милош ўзига ишонди ва 11 метрлик нуқтадан зарба беришга ошиқди. Ундаги ишончни кўрганимиз боис пенальтини бошқа ўйинчига бермадик. Дуранг ўйинги мос натижа бўлди. Бу – футбол!
Орадан тўрт кун ўтиб, мамлакат кубоги доирасида "Насаф” меҳмони бўламиз. Ўйлайманки, олдимизда турган навбатдаги қарама-қаршилик ҳам қизиқарли ўтади, - деди Миржалол Қосимов.
http://fcbunyodkor.com
|
