Англиянинг "Манчестер
Юнайтед" клуби "Билайн" уяли алоқа компанияси билан уч йиллик
шартнома имзолади.
Бундан буёғига "Манчестер Юнайтед" ва Beeline ОАЖ «Вимпелком»
бренди эгаси Жанубий-Шарқий Осиё, Вьетнам, Лаос ва Камбожада бирга ҳамкорлик
қилишга келишиб олганлар.
"Билайн"
компанияси Вьетнам уяли алоқалар бозорида етакчилардан ҳисобланади. Бу давлатда
"Манчестер Юнайтед" клубининг 16 миллион мухлиси яшаши қайд этилган.
Эндиликда бу мухлислар уяли алоқа компанияси воситасида севимли жамоаси
борасидаги янгиликлар, футболчиларнинг эксклюзив интервьюлари ва голларини
кўриш имкониятига эга бўладилар.
"Биз "Билайн"
компанияси билан ҳамкорлик қилишимиздан хурсандмиз. "Билайн" -
Вьетнам, Лаос ва Камбожада биз билан ҳамкорлик қилиш учун жуда ҳам қулай
компания. Бу компания ёш ва жуда интилувчан бўлгани сабабли ҳам, маҳаллий
бозорда тезлик билан етакчи ўринларга кўтарилиб олишга муваффақ бўлди.
Бу ҳамкорлик ҳар икки томон
учун ҳам жуда фойдали эканини яхши биламиз. "Билайн" билан
ҳамкорликда янги муваффақиятларга эришишимизга умид қилиб қоламиз", -
дейди "Манчестер Юнайтед" клуби тижорат ишлари директори Ричард
Арнольд клубнинг расмий сайтига берган интервьюсида.
| 
