Ўзбекистон олимпия терма жамоаси Киевда ўтказилаётган Лобановский хотира турнирида Сербия устидан ғалаба қозониб, мусобақанинг хал қилувчи финал баҳсига йўл олди.

Учрашувнинг биринчи бўлимида ҳисоб очилмади. 55-дақиқасида мураббийлар майдонга Шерзод Каримов ва Владимир Козакни туширишди. Ушбу ўзгариш олимпиячиларимиз ўйинига ўз таъсирини ўтказди ва орадан ҳеч қанча ўтмасдан ушбу футболчилар гол муаллифига айланишди.

Ўйин давомида Зотеев, Мустафоев, Нурлибоев сариқ карточка олган бўлсалар, ўйин сўнгида Ойбек Қиличев майдондан четлаштирилди. Таъкидлаш лозимки, "НБУ-Осиё" ҳужумчиси Нодир Одилов ҳам олимпия терма жамоаси сафида дебют қилди.

Ярим финалнинг иккинчи жуфтлигида Украина терма жамоаси Исроил устидан 3:0 ҳисобида зафар қучди. Энди Ўзбекистон ва Украина ўртасидаги финал ўйини бугун, 10 август куни соат 20:00 (Тошкент вақти билан) "Динамо" стадионида бўлиб ўтади.

Лобановский хотира турнири. Ярим финал
ЎЗБЕКИСТОН - СЕРБИЯ - 2:0
Голлар: Шерзод Каримов 56, Владимир Козак 60
Ўзбекистон: Санжар Қувватов, Абдуқаҳҳор Ҳожиакбаров, Салим Мустафоев, Фаррух Нурлибоев, Ислом Тўхтахўжаев, Фозил Мусаев (Жавлон Иброҳимов 82), Дилшод Раҳматулаев (Нодир Одилов 64), Жасур Ҳасанов (Зоҳир Пиримов 82), Олег Зотеев (Шерзод Каримов 55), Темурхўжа Абдухолиқов (Ойбек Қиличев 64), Кенжа Тўраев (Владимир Козак 55).
Сербия: Васич (Кировски 46), Игновски (Катаи 56), Миланович, Маслач (Гудел 76), Настасич, Максимович, Крстичич, Мркела (Цакич 56), Кнежевич, Алексич (Кожич 73), Шепович.
Огоҳлантиришлар: Олег Зотеев, Салим Мустафоев, Фаррух Нурлибоев - Максимович, Мркела
Четлатиш: Ойбек Қиличев 90+2
9 август. Киев. В.Лобановский номидаги стадион. 50 томошабин.
Бош ҳакам: Эйтан Шмолекич (Исроил)