Мадриднинг "Реал" клуби ва Португалия терма жамоаси ярим
ҳимоячиси Криштиану Роналду Famecount агентлиги томонидан дунёнинг энг машҳур
футболчиси деб топилди.
The Independent нашри томонидан хабар қилинишича, ушбу тадқиқот
интернетдаги ижтимоий тармоқлар ва видеохостингларда ўтказилган ва унда
Роналдунинг жуда кўп мухлислари борлиги аниқланган.
Йигирма олти ёшли футболчи Facebookда 32 миллион мухлисга эга бўлса,
Twitterда 3.7 миллион мухлис уни қўллаб қувватламоқдалар. Шунингдек YouTubeдаги
Криштиану Роналду ижросидаги видеороликлар умумий ҳисобда 4.6 миллион марта
кўрилгани аниқланган.
Энг машҳур инсонлар рўйхатида иккинчи ўринда Мадриднинг
"Реал" клубига тегишли бўлган бошқа бир футболчи эгаллаб турибди.
Бразилиялик Кака анча вақтда буён футбол ўйнай олмаётган бўлсада, фақатгина
Криштиану Роналдудан ортда қолиб кетган. Ўз навбатида учинчи ўринда Лионель
Месси турибди.
Қолган ўринларни, тўртинчидан то ўнинчига қадар қуйидаги футболчилар
эгаллаганлар: Дэвид Бекхэм ("Лос-Анджелес Гэлакси"), Андрес Иньеста ("Барселона"),
Уэйн Руни ("Манчестер Юнайтед"), Роналдиньо ("Фламенго"),
Фернандо Торрес ("Челси"), Сеск Фабрегас ("Арсенал") ва
Неймар ("Сантос").
|