«Барселона» мураббийи Пеп Гвардиола Испания суперкубогининг биринчи учрашувида («Реал») Мессининг майдонга тушиши мумкинлигини инкор этмаяпди. Ўйин 14 август куни "Сантьяго Бернабеу" стадионида бўлиб ўтади.

Даниэл Алвеш ва Хавьер Маскеранонинг ҳам мазкур ўйинда майдонга тушишлари сўроқ остида. Боиси ҳар учала футболчи яқинда «Америка кубоги»да иштирок этишди ва улар каталонияликлар сафига 8 август куни келиб кўшилишади. Гвардиоланинг сўзларига кўра, футболчиларнинг спорт формасига қараб ким майдонга тушиши борасида якуний хулоса чиқарилади.

«Барселона» мухлислари учун яна бир нохўш хабар. Жамоа ҳимоячиси Карлес Пуйоль Европа Суперкубогининг «Порту»га қарши ва Испания Суперкубогининг «Реал»га қарши ўйинларини ўтказиб юборади. Каталония клуби сардори жароҳатини даволаш билан банд, деб хабар беради Marca нашри.

Аввалроқ Пуйоль ҳолати кундан-кунга яхшиланиб бораётганини айтиб ўтганди. Июнь ойининг бошида испаниялик ҳимоячи тиззасидан операция қилинганди.